ធានារ៉ាប់រងលើការថែទាំសុខភាព
ទទួលបានការធានារ៉ាប់រងដែលមានគុណភាពខ្ពស់ចាប់ពី $25 ក្នុងមួយខែ!
ការថែទាំសុខុមាលភាពផ្ទាល់ខ្លួនរបស់អ្នក គឺមានសារៈសំខាន់ដូចគ្នាទៅនឹងការថែទាំអ្នកដទៃដែរ។ សូមថែរក្សាសុខភាពរបស់អ្នក ដោយចុះឈ្មោះប្រើប្រាស់សេវាធានារ៉ាប់រងសុខភាព។
អ្នកត្រូវតែធ្វើការឱ្យបាន 80 ម៉ោងដែលទទួលបានប្រាក់ឈ្នួល ឬច្រើនជាងនេះក្នុងមួយខែ រយៈពេល 2 ខែជាប់គ្នា ដើម្បីក្លាយជាអ្នកមានសិទ្ធិទទួលបានការធានារ៉ាប់រងលក្ខណៈបុគ្គល។
ជម្រើសគម្រោងធានារ៉ាប់រង
ជ្រើសរើសធានារ៉ាប់រងសម្រាប់តែខ្លួនអ្នក ឬបន្ថែម Coverage for Kids (ការធានារ៉ាប់រងសម្រាប់កុមារ) សម្រាប់កូនក្នុងបន្ទុករបស់អ្នក។
ស្វែងយល់អំពី សិទ្ធិ ពេលវេលា និងរបៀបដាក់ពាក្យសុំធានារ៉ាប់រង។
ការធានារ៉ាប់រងលក្ខណៈបុគ្គល
វេជ្ជសាស្ត្រ និងធ្មេញ
$25/ខែ
សហបុព្វលាភប្រចាំខែ
ទទួលបានការធានារ៉ាប់រងផ្នែកវេជ្ជសាស្ត្រ និងធ្មេញដែលមានគុណភាពខ្ពស់សម្រាប់ខ្លួនអ្នកដោយចំណាយត្រឹមតែ $25 ក្នុងមួយខែ។
ការធានារ៉ាប់រងលក្ខណៈបុគ្គល
+ Coverage for Kids (ការធានារ៉ាប់រងសម្រាប់កុមារ)
វេជ្ជសាស្ត្រ និងធ្មេញ
$125/ខែ
សហបុព្វលាភប្រចាំខែ
ទទួលបានការធានារ៉ាប់រងផ្នែកវេជ្ជសាស្រ្ត និងមាត់ធ្មេញសម្រាប់ខ្លួនអ្នក រួមទាំងកូនៗរបស់អ្នកផងដែរ ក្នុងតម្លៃត្រឹមតែ $125 ក្នុងមួយខែ។
វាមានតម្លៃដូចគ្នា មិនថាអ្នកបន្ថែមកូនប៉ុន្មាននាក់នោះទេ។
ការធានារ៉ាប់រងលក្ខណៈបុគ្គល
+ Coverage for Kids (ការធានារ៉ាប់រងសម្រាប់កុមារ)
តែធ្មេញប៉ុណ្ណោះ
$35/ខែ
សហបុព្វលាភប្រចាំខែ
ទទួលបានការធានារ៉ាប់រងផ្នែកវេជ្ជសាស្រ្ត និងមាត់ធ្មេញសម្រាប់ខ្លួនអ្នក រួមទាំងធានារ៉ាប់រងមាត់ធ្មេញសម្រាប់កូនៗរបស់អ្នកផងដែរ ក្នុងតម្លៃត្រឹមតែ $35 ក្នុងមួយខែ។
វាមានតម្លៃដូចគ្នា មិនថាអ្នកបន្ថែមកូនប៉ុន្មាននាក់នោះទេ។
ការធានារ៉ាប់រងសុខភាពរួមមាន៖
- ការថែទាំវេជ្ជសាស្រ្ត និងបង្ការ
- សុខភាពធ្មេញ និងការពត់ធ្មេញ
- ឱសថតាមវេជ្ជបញ្ជា
- សុខភាពផ្លូវចិត្ត
- សុខភាពភ្នែក និងត្រចៀក
- ការកសាងគ្រួសារ និងសុខភាពបន្តពូជ
- ការបណ្តុះបណ្តាលសុខភាព និងកម្មវិធីនានា
ម៉ាស្សា និងការចាប់សរសៃ
- ការព្យាបាលដោយចលនា
អត្ថប្រយោជន៍ថ្មី និងអត្ថប្រយោជន៍កាន់តែប្រសើរឡើង
+ New Vision Coverage (ធានារ៉ាប់រងភ្នែកថ្មី)
VSP Vision Care នឹងក្លាយជាអ្នកផ្តល់សេវាថែទាំភ្នែកថ្មី។ បណ្តាញអ្នកផ្តល់សេវាដែលបានពង្រីករបស់ពួកគេផ្តល់ភាពកាន់តែងាយស្រួលក្នុងការស្វែងរកការថែទាំដេលងាយស្រួលនៅជិតអ្នក។ អត្ថប្រយោជន៍រួមមាន ការពិនិត្យភ្នែកប្រចាំឆ្នាំ ដោយមានទឹកប្រាក់រហូតដល់ $250 សម្រាប់វ៉ែនតា ឬ $600 សម្រាប់កញ្ចក់កែវភ្នែករៀងរាល់ 12 ខែម្តង។
+ ការធានារ៉ាប់រងឧបករណ៍ជំនួយការស្តាប់បន្ថែម
ដែនកំណត់លើការធានារ៉ាប់រងឧបករណ៍ជំនួយការស្តាប់ EPIC ត្រូវបានដកចេញ។ ឥឡូវនេះ អ្នកអាចទទួលបានការគាំទ្របន្ថែម ដើម្បីជួយអ្នកឱ្យស្តាប់ឮច្បាស់។
+ ការបំពេញវេជ្ជបញ្ជាបន្ថែម
អ្នកនឹងអាចទទួលបានការផ្គត់ផ្គង់ការព្យាបាលដោយអរម៉ូន ឬថ្នាំពន្យារកំណើតរហូតដល់ 12 ខែក្នុងការបើកថ្នាំមួយដង ដែលកាត់បន្ថយការធ្វើដំណើរទៅឱសថស្ថាន និងផ្តល់ភាពកាន់តែងាយស្រួលក្នុងការរក្សាភាពស៊ីសង្វាក់គ្នាជាមួយនឹងការព្យាបាលរបស់អ្នក។
អត្ថប្រយោជន៍ថ្មីចាប់ផ្តើមនៅថ្ងៃទី 1 ខែសីហា ឆ្នាំ 2026។
ជ្រើសរើសគម្រោងសម្រាប់ព័ត៌មានលម្អិតនៃការធានារ៉ាប់រងបន្ថែម។
មិនប្រាកដថាគម្រោងមួយណាជារបស់អ្នកមែនទេ?
គម្រោងរបស់អ្នកត្រូវបានកំណត់ដោយលេខកូដតំបន់។ បញ្ចូលលេខកូដរបស់អ្នកខាងក្រោមដើម្បីស្វែងរកគម្រោងរបស់អ្នក។
Aetna គឺជាគម្រោងដែលមានសម្រាប់លេខកូដតំបន់របស់អ្នក។
Kaiser Permanente of the Northwest (KPNW) គឺជាគម្រោងដែលមានសម្រាប់លេខកូដតំបន់របស់អ្នក។ មើលព័ត៌មានសង្ខេបសំខាន់ៗនៃគម្រោង។
Kaiser Permanente of Washington (KPWA) គឺជាគម្រោងដែលមានសម្រាប់លេខកូដតំបន់របស់អ្នក។
រកមិនឃើញលេខកូដតំបន់ទេ។
សំណួរដែលសួរញឹកញាប់
តើខ្ញុំក្លាយជាមានសិទ្ធិទទួលបានការធានារ៉ាប់រងដោយរបៀបណា?
ការធានារ៉ាប់រងលក្ខណៈបុគ្គល៖
អ្នកត្រូវតែធ្វើការឱ្យបាន 80 ម៉ោងដែលទទួលបានប្រាក់ឈ្នួល ឬច្រើនជាងនេះក្នុងមួយខែ រយៈពេល 2 ខែជាប់គ្នា ដើម្បីក្លាយជាអ្នកមានសិទ្ធិទទួលបានការធានារ៉ាប់រងលក្ខណៈបុគ្គល។
Coverage for Kids (ការធានារ៉ាប់រងសម្រាប់កុមារ)៖
អ្នកត្រូវតែធ្វើការឱ្យបាន 120 ម៉ោងដែលទទួលបានប្រាក់ឈ្នួល ឬច្រើនជាងនេះក្នុងមួយខែ ដើម្បីក្លាយជាអ្នកមានសិទ្ធិទទួលបាន Coverage for Kids (ការធានារ៉ាប់រងសម្រាប់កុមារ)។
ប្រសិនបើអ្នកត្រូវការចំនួនម៉ោងបន្ថែម ដើម្បីទទួលបាន ឬរក្សាការធានារ៉ាប់រង សូមសាកល្បង Carina.org ដែលជាអត្ថប្រយោជន៍ផ្គូផ្គងការងារដោយឥតគិតថ្លៃ ដែលជួយអ្នកស្វែងរកអ្នកជំងឺបានកាន់តែច្រើន។
តើខ្ញុំអាចដាក់ពាក្យបាននៅពេលណា?
មាន 3 ដងដែលអ្នកអាចស្នើសុំការធានារ៉ាប់រងបាន៖
1. សិទ្ធិទទួលបានដំបូង៖ ក្នុងរយៈពេល 60 ថ្ងៃនៃកាលបរិច្ឆេទនៅលើឯកសារចុះឈ្មោះដែលមានសិទ្ធិថ្មីរបស់អ្នក។ សិទ្ធិទទួលបានដំបូងគឺនៅពេលដែលអ្នកចាប់ផ្តើមមានសិទ្ធិជាលើកដំបូង។
2. Open Enrollment (ការបើកទទួលចុះឈ្មោះ) ថ្ងៃទី 1-20 ខែកក្កដា ជារៀងរាល់ឆ្នាំ។
ប្រសិនបើអ្នកបានចុះឈ្មោះរួចហើយ ការធានារ៉ាប់រងរបស់អ្នកបន្តជាថ្មីដោយស្វ័យប្រវត្តិ នោះមិនចាំបាច់មានសកម្មភាពណាមួយទេ លុះត្រាតែអ្នកចង់ធ្វើការផ្លាស់ប្តូរ។
3. Qualifying Life Event (ព្រឹត្តិការណ៍ក្នុងជីវិតដែលមានលក្ខណសម្បត្តិគ្រប់គ្រាន់) (QLE)៖ ក្នុងរយៈពេល 30 ថ្ងៃនៃ QLE ដែលផ្លាស់ប្តូរតម្រូវការធានារ៉ាប់រងសុខភាពរបស់អ្នក។ ឧទាហរណ៍នៃ QLE រួមមានការយកកូនមកចិញ្ចឹម ការបាត់បង់ការធានារ៉ាប់រងសុខភាពផ្សេងទៀត ឬការលែងលះ។
តើខ្ញុំដាក់ពាក្យដោយរបៀបណា?
មធ្យោបាយងាយស្រួលបំផុតដើម្បីដាក់ពាក្យ ឬធ្វើការផ្លាស់ប្តូរគឺនៅលើអ៊ីនធឺណិត។
ស្វែងយល់ពីរបៀបចូលប្រើគណនីអត្ថប្រយោជន៍សុខភាពរបស់អ្នក។
ប្រសិនបើអ្នកទទួលបានពាក្យអត្ថប្រយោជន៍សុខភាព អ្នកអាចផ្ញើសំបុត្រ ឬទូរសារពាក្យដែលបំពេញរួចទៅអាសយដ្ឋាន ឬលេខទូរសារដែលបានរាយក្នុងពាក្យ។ តម្រូវឱ្យមានការបង់ថ្លៃប្រៃសណីយ៍នៅសហរដ្ឋអាមេរិក។
អ្នកនឹងទទួលបានបង្កាន់ដៃពាក្យតាមអ៊ីមែល ឬតាមរយៈគណនីអត្ថប្រយោជន៍សុខភាពរបស់អ្នកក្នុងរយៈពេល 1 ថ្ងៃ និងការសម្រេចចិត្តលើការធានារ៉ាប់រងតាមសំបុត្រ ឬអ៊ីមែលក្នុងរយៈពេល 30 ថ្ងៃ។ ប្រសិនបើអត់ទេ សូមទូរសព្ទទៅលេខ 1-877-606-6705។
តើការធានារ៉ាប់រងនឹងចាប់ផ្តើមនៅពេលណា?
Open Enrollment (ការបើកទទួលចុះឈ្មោះ)
ដាក់ពាក្យសុំ ឬការផ្លាស់ប្តូរត្រឹមថ្ងៃទី 20 ខែកក្កដា សម្រាប់ការធានារ៉ាប់រងចាប់ពីថ្ងៃទី 1 ខែសីហា។
សិទ្ធិទទួលបានដំបូង និងព្រឹត្តិការណ៍ក្នុងជីវិតដែលមានលក្ខណសម្បត្តិគ្រប់គ្រាន់៖
ការធានារ៉ាប់រងចាប់ផ្តើមនៅថ្ងៃទី 1 នៃខែបន្ទាប់ពីពាក្យសុំរបស់អ្នកត្រូវបានទទួល និងដំណើរការ ដែលចំណាយពេលប្រហែល 2 សប្តាហ៍។ ឧទាហរណ៍ ប្រសិនបើពាក្យស្នើសុំដែលបានបំពេញរបស់អ្នកត្រូវបានទទួល៖
- ត្រឹមថ្ងៃទី 15 ខែមីនា ការធានារ៉ាប់រងនឹងចាប់ផ្តើមនៅថ្ងៃទី 1 ខែមេសា។
- រវាងថ្ងៃទី 16 ដល់ថ្ងៃទី 31 ខែមីនា ការធានារ៉ាប់រងនឹងចាប់ផ្តើមនៅថ្ងៃទី 1 ខែឧសភា។
Coverage for Kids (ការធានារ៉ាប់រងសម្រាប់កុមារ) មិនអាចចាប់ផ្តើមបានទេរហូតទាល់តែបន្ទាប់ពីការផ្ទៀងផ្ទាត់អ្នកនៅក្នុងបន្ទុករបស់អ្នកត្រូវបានទទួល និងដំណើរការ។
ចុះបើខ្ញុំចុះឈ្មោះរួចហើយវិញនោះ?
ប្រសិនបើអ្នកកំពុងរក្សាគម្រោងបច្ចុប្បន្នរបស់អ្នក ឬមិនបន្ថែមការធានារ៉ាប់រងទេ នោះមិនចាំបាច់ធ្វើសកម្មភាពអ្វីទេ។
អ្នកអាចធ្វើការផ្លាស់ប្តូរគម្រោងសុខភាពធ្មេញរបស់អ្នក ឬបន្ថែម Coverage for Kids (ការធានារ៉ាប់រងសម្រាប់កុមារ) ក្នុងអំឡុង Open Enrollment (ការបើកទទួលចុះឈ្មោះ)(ថ្ងៃទី 1-20 ខែកក្កដា) ជារៀងរាល់ឆ្នាំ។
ការផ្លាស់ប្តូរអាចត្រូវបានធ្វើឡើងតែក្នុងអំឡុងពេល Open Enrollment (ការបើកទទួលចុះឈ្មោះ) ឬបន្ទាប់ពី ព្រឹត្តិការណ៍ក្នុងជីវិតដែលមានលក្ខណសម្បត្តិគ្រប់គ្រាន់ប៉ុណ្ណោះ។
តើខ្ញុំរក្សាការធានារ៉ាប់រងរបស់ខ្ញុំដោយរបៀបណា?
នៅពេលដែលអ្នកមានការធានារ៉ាប់រង អ្នកត្រូវតែធ្វើចំណុចដូចខាងក្រោម ដើម្បីរក្សាការធានារ៉ាប់រងសុខភាពបន្ត។
1. ធ្វើការឱ្យគ្រប់ចំនួនម៉ោងដែលចាំបាច់របស់អ្នក។
- អ្នកត្រូវតែធ្វើការឱ្យបានចាប់ពី 80 ម៉ោងក្នុងមួយខែនៃម៉ោងដែលទទួលបានប្រាក់ឈ្នួល ដើម្បីរក្សាការធានារ៉ាប់រងលក្ខណៈបុគ្គលរបស់អ្នក។
- អ្នកត្រូវតែធ្វើការឱ្យបានចាប់ពី 120 ម៉ោងឡើងក្នុងមួយខែ ដើម្បីរក្សា Coverage for Kids (ការធានារ៉ាប់រងសម្រាប់កុមារ)(ការធានារ៉ាប់រងអ្នកនៅក្នុងបន្ទុក)។
- ប្រសិនបើចំនួនម៉ោងរបស់អ្នកនៅក្រោម 120 ប៉ុន្តែនៅតែលើសពី 80 អ្នកនឹងបាត់បង់ Coverage for Kids (ការធានារ៉ាប់រងសម្រាប់កុមារ) ប៉ុន្តែរក្សាការធានារ៉ាប់រងផ្ទាល់ខ្លួនរបស់អ្នក។
2. រាយការណ៍ចំនួនម៉ោងរបស់អ្នកឱ្យទាន់ពេលវេលា។
- អ្នកនឹងបាត់បង់ការធានារ៉ាប់រង ប្រសិនបើអ្នកមិនរាយការណ៍ចំនួនម៉ោងធ្វើការរបស់អ្នកទាន់ពេល។
- អ្នកត្រូវតែដាក់បញ្ជូនចំនួនម៉ោងដែលយឺតយ៉ាវ ឬការកែតម្រូវជាមួយនិយោជករបស់អ្នកក្នុងរយៈពេល 60 ថ្ងៃនៃខែដែលបានធ្វើការ។
3. បង់ សហបុព្វលាភប្រចាំខែរបស់អ្នកឱ្យបានពេញលេញ។
របៀបដែលចំនួនម៉ោងធ្វើការរបស់អ្នកមានឥទ្ធិពលដល់ការធានារ៉ាប់រងរបស់អ្នក។
នៅពេលដែលអ្នកបានចុះឈ្មោះក្នុងការធានារ៉ាប់រង នោះចំនួនម៉ោងដែលអ្នកធ្វើការក្នុងរយៈពេលមួយខែកំណត់ស្ថានភាពនៃការធានារ៉ាប់រងរបស់អ្នក 2 ខែក្រោយ។
ឧទាហរណ៍៖ ចំនួនម៉ោងនៃខែមករាកំណត់ការធានារ៉ាប់រងនៅក្នុងខែមីនា។
ខែធ្វើការ | ខែធានារ៉ាប់រង |
|---|---|
ចំនួនម៉ោងដែលទទួលបានប្រាក់ឈ្នួលដែលអ្នកធ្វើការក្នុង៖ | កំណត់ស្ថានភាពធានារ៉ាប់រងនៅក្នុង៖ |
ខែមករា | ខែមីនា |
ខែកុម្ភៈ | ខែមេសា |
ខែមីនា | ខែឧសភា |
ខែមេសា | ខែមិថុនា |
ខែឧសភា | ខែកក្កដា |
ខែមិថុនា | ខែសីហា |
ខែកក្កដា | ខែកញ្ញា |
ខែសីហា | ខែតុលា |
ខែកញ្ញា | ខែវិច្ឆិកា |
ខែតុលា | ខែធ្នូ |
ខែវិច្ឆិកា | ខែកុម្ភៈ |
ខែធ្នូ | ខែកុម្ភៈ |
តើខែអនុគ្រោះដំណើរការយ៉ាងដូចម្តេច?
កាលវិភាគដែលមិនអាចទាយទុកជាមុនបានអាចធ្វើឱ្យមានការលំបាកក្នុងការបំពេញតាមចំនួនម៉ោងការងារដែលត្រូវបានតម្រូវ។ អត្ថប្រយោជន៍ខែអនុគ្រោះជួយធានាបាននូវការរ៉ាប់រងលើការថែទាំសុខភាពបន្ត ទោះបីជាអ្នកមិនអាចធ្វើការដូចដែលបានគ្រោងទុកក៏ដោយ។
របៀបដែលខែអនុគ្រោះដំណើរការ៖
- អ្នកទទួលបានខែអនុគ្រោះចំនួន 2 ក្នុងមួយឆ្នាំធានារ៉ាប់រង (ខែសីហា-កក្កដា)។
- ខែអនុគ្រោះនីមួយៗបន្ថែមការធានារ៉ាប់រងរយៈពេល 1 ខែ ប្រសិនបើអ្នកមិនបំពេញតាមចំនួនម៉ោងការងារដែលបានតម្រូវ។ ខែអនុគ្រោះរ៉ាប់រងទាំងអ្នក និងអ្នកនៅក្នុងបន្ទុករបស់អ្នក។
- ខែអនុគ្រោះត្រូវបានអនុវត្តដោយស្វ័យប្រវត្តិ—មិនចាំបាច់ធ្វើសកម្មភាពណាមួយទេ។
- អ្នកអាចពិនិត្យមើលខែអនុគ្រោះដែលមានបានគ្រប់ពេលដោយចូលទៅក្នុងគណនីអត្ថប្រយោជន៍សុខភាពរបស់អ្នក។
តើខែអនុគ្រោះរបស់ខ្ញុំនឹងចាប់ផ្តើមឡើងវិញនៅពេលណា?
ពួកវានឹងចាប់ផ្តើមឡើងវិញនៅថ្ងៃទី 1 ខែសីហា នៃឆ្នាំនីមួយៗ ហើយនឹងអាចប្រើបានភ្លាមៗនៅពេលដែលអ្នកបានចុះឈ្មោះ។
តើខែអនុគ្រោះដែលមិនបានប្រើនឹងបន្តទៅឆ្នាំក្រោយដែរឬទេ?
ទេ។ ជារៀងរាល់ឆ្នាំនៅថ្ងៃទី 1 ខែសីហា អ្នកទទួលបានខែអនុគ្រោះថ្មីចំនួន 2។ ខែអនុគ្រោះដែលមិនបានប្រើមិនត្រូវបានផ្ទេរទៅខែបន្ទាប់ទេ។
តើខ្ញុំអាចប្រើខែអនុគ្រោះរបស់ខ្ញុំសម្រាប់ខែជាប់ៗគ្នាបានទេ?
ទេ អ្នកមិនអាចប្រើខែអនុគ្រោះ 2 ខែជាប់ៗគ្នាបានទេ។
ចុះបើខ្ញុំធ្វើការគ្រប់ចំនួនម៉ោងសម្រាប់ការធានារ៉ាប់រងលក្ខណៈបុគ្គល ប៉ុន្តែមិនគ្រប់គ្រាន់សម្រាប់ Coverage for Kids (ការធានារ៉ាប់រងសម្រាប់កុមារ)?
ក្នុងករណីនេះ ខែអនុគ្រោះចំនួន 1 នឹងត្រូវបានប្រើដើម្បីបន្ថែមការធានារ៉ាប់រងរបស់កូនអ្នកសម្រាប់ខែនោះ។
ប្រសិនបើខ្ញុំប្រើក្រេឌីត តើខ្ញុំនៅតែបង់ថ្លៃសហបុព្វលាភប្រចាំខែរបស់ខ្ញុំទេ?
បាទ/ចាស អ្នកនៅតែទទួលខុសត្រូវចំពោះសហបុព្វលាភរបស់អ្នកក្នុងខែនោះ។
ចុះបើខ្ញុំចង់បញ្ចប់ការធានារ៉ាប់រង?
ដើម្បីបញ្ចប់ការធានារ៉ាប់រងសម្រាប់ខ្លួនអ្នក ឬកូនរបស់អ្នក សូមទូរសព្ទទៅលេខ 1-877-606-6705 ដើម្បីស្នើសុំទម្រង់បែបបទ Waive Coverage (បោះបង់សិទ្ធិធានារ៉ាប់រង)។
ប្រសិនបើអ្នកទទួលបានពាក្យស្នើសុំលះបង់សិទ្ធិរបស់អ្នកយ៉ាងយូរបំផុតត្រឹមថ្ងៃទី 15 នោះការធានារ៉ាប់រងរបស់អ្នកនឹងត្រូវបញ្ចប់នៅថ្ងៃទី 1 នៃខែបន្ទាប់។ ប្រសិនបើទទួលបានបន្ទាប់ពីថ្ងៃទី 15 នោះការធានារ៉ាប់រងនឹងបញ្ចប់នៅថ្ងៃទី 1 នៃខែបន្ទាប់។
សំខាន់៖ អ្នកអាចចុះឈ្មោះឡើងវិញបានតែក្នុងអំឡុងពេល Open Enrollment (ការបើកទទួលចុះឈ្មោះ) ឬបន្ទាប់ពីការប្រែប្រួលក្នុងជីវិតដ៏សំខាន់ណាមួយកើតឡើងប៉ុណ្ណោះ។ ការលើកលែងដែលទទួលបានមុនថ្ងៃទី 1 ខែកក្កដាត្រូវបានកំណត់ឡើងវិញក្នុងអំឡុងពេល Open Enrollment (ការបើកទទួលចុះឈ្មោះ)។ អ្នកត្រូវតែដាក់ទម្រង់បែបបទលើកលែងការធានារ៉ាប់រងថ្មីដើម្បីរក្សាការលើកលែងរបស់អ្នក។ ប្រសិនបើអ្នកមានការធានារ៉ាប់រងក្នុងរយៈពេល 12 ខែកន្លងមកនេះ អ្នកនឹងត្រូវបានចុះឈ្មោះឡើងវិញដោយស្វ័យប្រវត្តិ ប្រសិនបើអ្នកមិនដាក់លិខិតលើកលែងថ្មី។
តើមានអ្វីកើតឡើង ប្រសិនបើខ្ញុំបាត់បង់ការធានារ៉ាប់រង?
អ្នកនឹងទទួលបានព័ត៌មានអំពី COBRA (Consolidated Omnibus Budget Reconciliation Act) ដែលគ្រប់គ្រងដោយ Ameriflex (1-877-606-6705)។ COBRA អនុញ្ញាតឱ្យអ្នកថែទាំ និងកូនរបស់ពួកគេរក្សាការធានារ៉ាប់រងសម្រាប់ការទូទាត់ប្រចាំខែ។
ប្រសិនបើអ្នកឈប់ផ្តល់សេវាថែទាំ និងត្រូវការការធានារ៉ាប់រងរយៈពេលវែង សូមពិនិត្យមើលសិទ្ធិទទួលបានដោយឥតគិតថ្លៃ Washington Apple Health ឬស្វែងរកជម្រើសផ្សេងទៀតនៅ wahealthplanfinder.org។
Deborah ត្រូវការការវះកាត់
ដែលចំណាយលុយអស់រាប់រយពាន់ដុល្លារ ដោយមិនមានការធានារ៉ាប់រង។ ដោយមិនសូវបារម្ភអំពីការចំណាយ
គាត់និយាយថា "ខ្ញុំអាចផ្តោតលើខ្លួនឯង និងការព្យាបាលរបស់ខ្ញុំ"។
បន្ទាប់ពីកូនទីពីររបស់គាត់ Dani បានចុះឈ្មោះកូនទាំងពីរនៅក្នុង Coverage for Kids (ការធានារ៉ាប់រងសម្រាប់កុមារ) ដោយសរសើរ "អត្រាដ៏អស្ចារ្យ" ដែលជួយគ្រួសាររបស់គាត់ឱ្យអាចសន្សំសំចៃបានប្រចាំខែ។
គណនីអត្ថប្រយោជន៍សុខភាព
- ពិនិត្យមើលសិទ្ធិទទួលបានអត្ថប្រយោជន៍សុខភាពរបស់អ្នក។
- ដាក់ពាក្យស្នើសុំ ឬគ្រប់គ្រងការធានារ៉ាប់រងសុខភាព។
- ទទួលបានជំនួយការជជែកផ្ទាល់។
- ចូលប្រើឯកសារ និងទម្រង់បែបបទគម្រោង។
ជំនួយអត្ថប្រយោជន៍សុខភាព
ទទួលបានជំនួយទាក់ទងនឹងការធានារ៉ាប់រង លក្ខខណ្ឌកំណត់ ការដាក់ពាក្យ និងអ្វីៗជាច្រើនទៀតដោយចូលទៅកាន់ទំព័រជំនួយ ឬទូរសព្ទទៅលេខ 1-877-606-6705។
Coverage for Kids (ការធានារ៉ាប់រងសម្រាប់កុមារ)
ប្រសិនបើអ្នកធ្វើការចាប់ពី 120 ម៉ោងឡើងទៅក្នុងមួយខែ កូនរបស់អ្នកទទួលបានអត្ថប្រយោជន៍ដ៏អស្ចារ្យដូចគ្នាទាំងអស់ដែលអ្នកទទួលបាន រួមទាំងសុខភាពផ្លូវចិត្ត ការព្យាបាលធ្មេញ ការពិនិត្យសុខភាព និងអ្វីៗជាច្រើនទៀត។
វាក្យសព្ទនៃការធានារ៉ាប់រងលើការថែទាំសុខភាពទូទៅ
ស្វែងយល់ពីនិយមន័យនៃពាក្យនិងនិយមន័យធានារ៉ាប់រងទូទៅ ដើម្បីយល់កាន់តែច្បាស់អំពីគម្រោងធានារ៉ាប់រងរបស់អ្នក។
ដាក់ពាក្យបណ្តឹងឧទ្ធរណ៍ចំពោះការធានារ៉ាប់រងលើការថែទាំសុខភាព
ស្វែងយល់ពីរបៀបដាក់បណ្តឹងឧទ្ធរណ៍ ប្រសិនបើសិទ្ធិធានារ៉ាប់រងសុខភាពរបស់អ្នក ឬការចុះឈ្មោះត្រូវបានបដិសេធ។