ការចាប់ផ្តើមជាអ្នកថែទាំ
ទើបតែចាប់ផ្តើមការងារមែនទេ? នេះជា អ្វីដែលកើតឡើងបន្ទាប់។
មិនថាអ្នកកំពុងចាប់ផ្តើមអាជីពថ្មី ឬកំពុងមើលថែមនុស្សជាទីស្រលាញ់របស់អ្នកទេ ការថែទាំដែលមានប្រាក់ឈ្នួលចាប់ផ្តើមជាមួយនឹងការបណ្តុះបណ្តាល។ ស្វែងយល់ពីការបណ្តុះបណ្តាលដែលអ្នកត្រូវការ ពេលវេលាដែលត្រូវចូលរៀន និងអត្ថប្រយោជន៍អ្វីខ្លះដែលអ្នកអាចទទួលបាន។
មុនពេល
អ្នកចាប់ផ្តើម
ស្វែងយល់ពីលក្ខខណ្ឌតម្រូវនៃការបណ្តុះបណ្តាល និងថ្ងៃផុតកំណត់របស់អ្នក។
Basic Training (វគ្គបណ្តុះបណ្តាលមូលដ្ឋាន) ដែលអ្នកត្រូវចូលរៀនគឺផ្អែកលើប្រភេទនៃអ្នកផ្តល់សេវារបស់អ្នក។ សូមទាក់ទងនិយោជករបស់អ្នក ដើម្បីបញ្ជាក់ពីលក្ខខណ្ឌតម្រូវនៃការបណ្តុះបណ្តាល និងថ្ងៃផុតកំណត់របស់អ្នក។ ចុចខាងក្រោមដើម្បីមើលបញ្ជីនៃលក្ខខណ្ឌតម្រូវនៃវគ្គបណ្តុះបណ្តាលតាមប្រភេទអ្នកផ្តល់សេវាខាងក្រោម៖
មើលលក្ខខណ្ឌតម្រូវនៃវគ្គបណ្តុះបណ្តាល
ប្រសិនបើអ្នកធ្វើការឱ្យនិយោជក ឬមានតួនាទី ឬអ្នកជំងឺច្រើន លក្ខខណ្ឌតម្រូវនៃវគ្គបណ្តុះបណ្តាលរបស់អ្នកអាចខុសៗគ្នា។ ប្រសិនបើអ្នកស្ថិតក្នុងប្រភេទច្រើនជាងមួយ អ្នកត្រូវតែបំពេញតាមលក្ខខណ្ឌតម្រូវនៃវគ្គបណ្តុះបណ្តាល និងវិញ្ញាបនបត្រខ្ពស់បំផុត។
ប្រភេទអ្នកផ្តល់សេវា | ការតម្រង់ទិស និងសុវត្ថិភាព | Basic Training (វគ្គបណ្តុះបណ្តាលមូលដ្ឋាន) | Continuing Education (ការអប់រំបន្ត) ដែលចាំបាច់ | Continuing Education (ការអប់រំបន្ត) ជាជម្រើស |
|---|---|---|---|---|
បញ្ចប់មុនពេលផ្តល់ការថែទាំ។ | បញ្ចប់តាមកាលបរិច្ឆេទកំណត់។ | ត្រូវការ 12 ម៉ោងក្នុងមួយឆ្នាំ។ | ការបណ្តុះបណ្តាលអនឡាញជាជម្រើស។ | |
Standard Home Care Aide (HCA) (ជំនួយការថែទាំតាមផ្ទះស្តង់ដា) អ្នកថែទាំដែលមើលថែអ្នកជំងឺ ក្រៅម៉ោង ឬពេញម៉ោង។ | Basic Training 70 (វគ្គបណ្ដុះបណ្ដាលមូលដ្ឋាន 70) | |||
អ្នកថែទាំជាកូនពេញវ័យ អ្នកថែទាំដែលមើលថែឪពុកម្តាយ រួមទាំងនៅពេលដែលទំនាក់ទំនងតាមរយៈអាពាហ៍ពិពាហ៍ ឬភាពជាដៃគូក្នុងគ្រួសារ។ | Basic Training 30 (វគ្គបណ្តុះបណ្តាលមូលដ្ឋាន 30) | |||
អ្នកផ្តល់សេវាក្នុងគ្រួសារ អ្នកថែទាំដែលថែទាំតែកូន បងប្អូនបង្កើត មីង ពូ ក្មួយស្រី បងប្អូនជីដូនមួយ ចៅ ឬជីតា រួមទាំងទំនាក់ទំនងដោយអាពាហ៍ពិពាហ៍ ឬភាពជាដៃគូក្នុងគ្រួសារ។ | Basic Training 30 (វគ្គបណ្តុះបណ្តាលមូលដ្ឋាន 30) | |||
អ្នកផ្តល់សេវាមានកំណត់ អ្នកថែទាំដែលធ្វើការតិចជាង 20 ម៉ោងក្នុងមួយខែ។ | Basic Training 30 (វគ្គបណ្តុះបណ្តាលមូលដ្ឋាន 30) | |||
ប្តីប្រពន្ធ ឬដៃគូក្នុងគ្រួសារនៃកិច្ចការអតីតយុទ្ធជន (VA) អ្នកថែទាំដែលផ្តល់សេវាដល់ប្តីប្រពន្ធ/ដៃគូតាមរយៈកម្មវិធីថែទាំតាមផ្ទះ VA ។ | Basic Training 30 (វគ្គបណ្តុះបណ្តាលមូលដ្ឋាន 30) | |||
WA Cares អ្នកថែទាំ WA Cares ធម្មតា និងអ្នកថែទាំ WA Cares ក្រៅម៉ោងលក្ខណៈគ្រួសារ។ | Basic Training 16 (វគ្គបណ្តុះបណ្តាលមូលដ្ឋាន 16) | |||
អ្នកផ្តល់សេវាក្នុងពេលសម្រាក អ្នកថែទាំដែលមើលថែអ្នកជំងឺរបស់អ្នកថែទាំផ្សេងទៀត ឬសមាជិកគ្រួសារក្នុងរយៈពេលខ្លី (តិចជាង 300 ម៉ោងក្នុងមួយឆ្នាំ)។ | Basic Training 9 (វគ្គបណ្តុះបណ្តាលមូលដ្ឋាន 9) | |||
អ្នកផ្តល់សេវាជាលក្ខណៈបុគ្គលមាតាបិតា (DDA) ឪពុកម្តាយដែលមើលថែកូនរបស់ពួកគេដែលមានពិការភាពក្នុងការអភិវឌ្ឍ។ | Basic Training 7 (វគ្គបណ្ដុះបណ្ដាលមូលដ្ឋាន 7) | |||
អ្នកផ្តល់សេវាដែលមាន NAC, OSPI, NAC បឋម, OSPI បឋម ឬអ្នកដែលជា LPN, RN ឬ ARNP NAC សកម្ម៖ ជំនួយការគិលានុបដ្ឋាយិកា – មានវិញ្ញាបនបត្រ, OSPI៖ Special Education Endorsement (ការបញ្ជាក់ឯកទេសអប់រំពិសេស) | អ្នកត្រូវបានលើកលែងពីវគ្គតម្រង់ទិស សុវត្ថិភាព និង Basic Training (វគ្គបណ្តុះបណ្តាលមូលដ្ឋាន)។ សម្រាប់ព័ត៌មានបន្ថែមអំពីការបណ្តុះបណ្តាលដែលចាំបាច់ ឬជាជម្រើសផ្សេងទៀត សូមទាក់ទងនិយោជករបស់អ្នក។ | |||
សូមពិនិត្យអ៊ីមែលរកមើលព័ត៌មានថ្មីៗអំពីការបណ្តុះបណ្តាល។
អ្នកនឹងទទួលបានព័ត៌មានសំខាន់ៗ ដូចជាឈ្មោះអ្នកប្រើប្រាស់ Caregiver Learning Center (មជ្ឈមណ្ឌលសិក្សាសម្រាប់អ្នកថែទាំ) របស់អ្នក តាមអាសយដ្ឋានអ៊ីមែលដែលបានផ្តល់ជូននៅពេលអ្នកត្រូវបានជួល។
ស្វែងយល់បន្ថែមអំពីជម្រើសជំនួយរបស់អ្នក។
ស្វែងរកព័ត៌មានមានប្រយោជន៍អំពីគោលការណ៍បណ្តុះបណ្តាល ហើយទាញយកអត្ថប្រយោជន៍ពី ធនធានជំនួយគាំទ្រ និងជំនួយភាសាដែលមានដើម្បីជួយអ្នកឱ្យទទួលបានជោគជ័យក្នុងការបណ្តុះបណ្តាល។
បញ្ចប់ការបណ្តុះបណ្តាលរបស់អ្នក
ចូលគណនីទៅកាន់ Caregiver Learning Center (មជ្ឈមណ្ឌលសិក្សាសម្រាប់អ្នកថែទាំ)។
បន្ទាប់ពីអ្នកចូលគណនីក្នុង Caregiver Learning Center (មជ្ឈមណ្ឌលសិក្សាសម្រាប់អ្នកថែទាំ) អ្នកអាចមើលឃើញកាលវិភាគរបស់អ្នក កំណត់កាលវិភាគថ្នាក់រៀនឡើងវិញ បញ្ចប់ការបណ្តុះបណ្តាលរបស់អ្នក និងច្រើនទៀត។ ចូលទៅកាន់មគ្គុទេសក៍អ្នកប្រើប្រាស់ ដើម្បីស្វែងយល់ពីរបៀបចាប់ផ្តើម។
ចុះឈ្មោះក្នុង Basic Training (វគ្គបណ្តុះបណ្តាលមូលដ្ឋាន)។
បន្ទាប់ពីអ្នកចូលរៀនវគ្គតម្រង់ទិស និងសុវត្ថិភាពរួច អ្នកអាចចុះឈ្មោះចូលរៀន Basic Training (វគ្គបណ្តុះបណ្តាលមូលដ្ឋាន) បាន។ អ្នកថែទាំដែលជួលដោយ Consumer Direct Care Network Washington (CDWA) អាចចុះឈ្មោះចូលរៀននៅ Caregiver Learning Center (មជ្ឈមណ្ឌលសិក្សាសម្រាប់អ្នកថែទាំ)។ អ្នកថែទាំផ្សេងទៀតទាំងអស់គួរតែទាក់ទងនិយោជករបស់ពួកគេមុនពេលចុះឈ្មោះ។
បញ្ចប់ Basic Training (វគ្គបណ្តុះបណ្តាលមូលដ្ឋាន) មុនកាលបរិច្ឆេទផុតកំណត់របស់អ្នក។
កាលបរិច្ឆេទផុតកំណត់របស់អ្នកគឺ120 ថ្ងៃចាប់ពីថ្ងៃចាប់ផ្តើមការងាររបស់អ្នក។ និយោជករបស់អ្នកអាចបញ្ជាក់កាលបរិច្ឆេទពិតប្រាកដបាន។
បន្ទាប់ពីអ្នកបានបញ្ចប់ការបណ្តុះបណ្តាល
ការបណ្តុះបណ្តាលគឺជាអត្ថប្រយោជន៍មួយក្នុងចំណោមអត្ថប្រយោជន៍ជាច្រើនដែលមានសម្រាប់អ្នកថែទាំ! អ្នកអាចទទួលបានអត្ថប្រយោជន៍ដ៏មានតម្លៃដូចជា ការធានារ៉ាប់រងសុខភាពក្នុងតម្លៃសមរម្យ ផែនការចូលនិវត្តន៍ដែលផ្តល់មូលនិធិដោយនិយោជក ស្បែកជើងធន់នឹងការរអិលដោយឥតគិតថ្លៃ និងច្រើនទៀត។
អត្ថប្រយោជន៍សុខភាព
បន្ទាប់ពីធ្វើការ 80+ ម៉ោងដែលមានប្រាក់ឈ្នួលក្នុងមួយខែរយៈពេលពីរខែជាប់ៗគ្នា អ្នកអាចមានលក្ខណសម្បត្តិគ្រប់គ្រាន់ទទួលបានការធានារ៉ាប់រងសុខភាពក្នុងតម្លៃត្រឹមតែ $25 ក្នុងមួយខែប៉ុណ្ណោះ។ ការធានារ៉ាប់រងរួមមាន ការថែទាំសុខភាព ធ្មេញ ភ្នែក ត្រចៀក វេជ្ជបញ្ជា ជំនួយគាំទ្រសុខភាពផ្លូវចិត្ត និងច្រើនទៀត។
Caregiver Kicks
អ្នកថែទាំដែលធ្វើការ 160+ ម៉ោងក្នុងរយៈពេលពីរខែអាចមានលក្ខណសម្បត្តិគ្រប់គ្រាន់សម្រាប់ Caregiver Kicks — ដែលជាស្បែកជើងធន់នឹងការរអិលឥតគិតថ្លៃដែលជួយអ្នកឱ្យមានសុវត្ថិភាពក្នុងពេលបំពេញការងារ។ អ្នកថែទាំដែលមានសិទ្ធិអាចស្នើសុំស្បែកជើងគូថ្មីរៀងរាល់ 12 ខែម្តង។
អត្ថប្រយោជន៍ចូលនិវត្តន៍
បន្ទាប់ពីរយៈពេល 6 ខែជាមួយនិយោជកដែលចូលរួម អ្នកនឹងត្រូវបានចុះឈ្មោះដោយស្វ័យប្រវត្តិនៅក្នុង Secure Retirement Plan (គម្រោងចូលនិវត្តន៍ដែលមានសុវត្ថិភាព)។ អត្ថប្រយោជន៍នេះជួយអ្នកសន្សំសំចៃសម្រាប់អនាគត និងបង្កើតប្រភពចំណូលបន្ថែមសម្រាប់ចូលនិវត្តន៍។
អត្ថប្រយោជន៍ការសិក្សា
ការសិក្សារបស់អ្នកនឹងបន្តពី Basic Training (វគ្គបណ្តុះបណ្តាលមូលដ្ឋាន)។ អ្នកថែទាំអាចចូលរៀន និងទទួលបានប្រាក់ឈ្នួលរហូតដល់ 12 ម៉ោងនៃវគ្គ Continuing Education (ការអប់រំបន្ត) ជារៀងរាល់ឆ្នាំ បូករួមទាំងការចូលប្រើប្រាស់កម្មវិធីបណ្តុះបណ្តាលបន្ថែម និងឱកាសកសាងជំនាញផងដែរ។
អត្ថប្រយោជន៍ផ្គូផ្គងការងារ
ស្វែងរកការងារ និងការថែទាំបម្រុងតាមរយៈ Carina ដែលជាសេវាកម្មផ្គូផ្គងការងារដែលគួរឱ្យទុកចិត្ត និងងាយស្រួលប្រើសម្រាប់អ្នកថែទាំ។ Carina ភ្ជាប់អ្នកថែទាំដោយមិនគិតថ្លៃជាមួយគ្រួសារ និងបុគ្គលដែលនៅក្បែរអ្នកដែលកំពុងស្វែងរកការថែទាំ។
មជ្ឈមណ្ឌលធនធានសមាជិក (MRC)
ប្រសិនបើអ្នកមានសំណួរអំពីការចុះឈ្មោះ ជម្រើសវគ្គសិក្សា ឬការបញ្ចប់វគ្គបណ្តុះបណ្តាល សូមទាក់ទង MRC។ ជំនួយគាំទ្រមានជាច្រើនភាសា។
ជំនួយផ្នែកភាសា
ថ្នាក់សិក្សា និងឯកសារសិក្សាត្រូវបានផ្តល់ជូនជាភាសាជាច្រើន។ ទោះបីជាអ្នកនិយាយភាសាអង់គ្លេសយ៉ាងស្ទាត់ជំនាញក៏ដោយ វគ្គសិក្សាជាភាសាចម្បងរបស់អ្នកអាចរៀបចំឱ្យអ្នកទទួលបានជោគជ័យកាន់តែប្រសើរ។
Peer Mentor (អ្នកណែនាំ)
ប្រសិនបើអ្នកជាអ្នកថែទាំដែលឆ្លងកាត់ការបណ្តុះបណ្តាលមូលដ្ឋាន និងត្រៀមដើម្បីក្លាយជាជំនួយការថែទាំតាមផ្ទះ (Home Care Aide, HCA) ដែលមានការបញ្ជាក់ អ្នកអាចទទួលបានការណែនាំ និងការគាំទ្រពី Peer Mentor (អ្នកណែនាំ)។
ជំនួយសម្រាប់សិស្សពិការ
សិស្សពិការមានសិទ្ធិស្នើសុំ និងទទួលបានការសម្របសម្រួលសមរម្យ ដើម្បីអាចធ្វើសកម្មភាព និងទទួលបានកម្មវិធីទាំងអស់របស់ដៃគូបណ្តុះបណ្តាល។
គោលការណ៍សិក្សា
ពេលវេលាសិក្សារបស់អ្នកមានតម្លៃ។ គោលការណ៍ខាងក្រោមធានាបាននូវបរិយាកាសសិក្សាវិជ្ជមានដែលអ្នកទទួលបានការគាំទ្រ និងមានឱកាសទទួលបានជោគជ័យ។