Kaiser Permanente Northwest
មិនថាអ្នកកំពុងចុះឈ្មោះជាលើកដំបូង ឬបានចុះឈ្មោះរួចហើយនោះទេ យើងលើកទឹកចិត្តអ្នកឱ្យទាញយកអត្ថប្រយោជន៍ពីការថែទាំសុខភាពដែលមានគុណភាពខ្ពស់ និងតម្លៃសមរម្យដែលមានសម្រាប់អ្នកក្នុងនាមជាអ្នកថែទាំ។
ព័ត៌មានសង្ខេបសំខាន់ៗនៃគម្រោងថែទាំសុខភាព KPNW
លើសពីការថែទាំបង្ការ ការធានារ៉ាប់រងរបស់អ្នករួមបញ្ចូលវិធីជាច្រើនដើម្បីទទួលបានការថែទាំ និងការគាំទ្រ ដូចជាការបណ្តុះបណ្តាលសុខភាព និងកម្មវិធីគ្រប់គ្រងដែលមានលក្ខណៈផ្ទាល់ខ្លួនសម្រាប់ស្ថានភាពជំងឺរ៉ាំរ៉ៃ។
ស្វែងយល់អំពីអត្ថប្រយោជន៍សំខាន់ៗនៃគម្រោងរបស់អ្នក ហើយទាញយក ព័ត៌មានលម្អិតអំពីគម្រោង KPNW របស់អ្នក។
ព័ត៌មានលម្អិតអំពីគម្រោងមានសុពលភាពនៅថ្ងៃទី 1 ខែសីហា ឆ្នាំ 2025។
ការថែទាំវេជ្ជសាស្រ្ត និងបង្ការ
ការជួបពិនិត្យថែទាំបឋមដោយឥតគិតថ្លៃ
មិនមានការគិតថ្លៃ* ក្នុងការទៅជួបអ្នកផ្តល់សេវាថែទាំបឋម (PCP) របស់អ្នកទេ។ អ្នកអាចទៅជួប PCP របស់អ្នកសម្រាប់ការពិនិត្យសុខភាព និងនៅពេលដែលអ្នកឈឺ។ ការធានារ៉ាប់រងរបស់អ្នកក៏រួមបញ្ចូលផងដែរនូវជម្រើសនៃការថែទាំតាមអ៊ីនធឺណិត ដូច្នេះអ្នកអាចទទួលបានការថែទាំនៅផ្ទះបាន។
*ការទៅជួប PCP របស់អ្នកមិនមានការបង់ប្រាក់ចំណាយផ្ទាល់ខ្លួនទេ ប៉ុន្តែប្រសិនបើវេជ្ជបណ្ឌិតរបស់អ្នកបញ្ជាឱ្យធ្វើតេស្ត ឬការងារមន្ទីរពិសោធន៍ អ្នកប្រហែលជាត្រូវបង់ប្រាក់ចំណាយផ្ទាល់ខ្លួនលើសេវាទាំងនោះ។
ការថែទាំបន្ទាន់ និងសង្គ្រោះបន្ទាន់តម្លៃទាប
ការថែទាំបន្ទាន់គឺជាជម្រើសដែលមានតម្លៃទាបសម្រាប់បញ្ហាដែលមិនមែនសង្គ្រោះបន្ទាន់ ដូចជាការរងរបួសតិចតួច ឬរោគសញ្ញានៃជំងឺគ្រុនផ្តាសាយ នៅពេលដែលគ្រូពេទ្យរបស់អ្នកមិនអាចផ្តល់សេវាបាន។ ការចូលបន្ទប់សង្គ្រោះបន្ទាន់គួរតែត្រូវបានប្រើសម្រាប់ស្ថានភាពធ្ងន់ធ្ងរដូចជាឈឺទ្រូង ពិបាកដកដង្ហើម ឬរបួសធ្ងន់ធ្ងរ។
ប្រាក់បង់មុន ឬប្រាក់ចំណាយផ្ទាល់ខ្លួនអាចត្រូវបានអនុវត្ត។
ប្រាក់ចំណាយផ្ទាល់ខ្លួននៃការពិនិត្យផ្នែកវេជ្ជសាស្ត្រ (ក្នុងបណ្តាញ) | |
|---|---|
អ្នកផ្តល់សេវាថែទាំបឋម/ការពិនិត្យសុខភាពតាមអនឡាញ | ប្រាក់ចំណាយផ្ទាល់ខ្លួន $0 |
ការជួបថែទាំជាបន្ទាន់ | ប្រាក់ចំណាយផ្ទាល់ខ្លួន $30 |
ការចូលបន្ទប់សង្គ្រោះបន្ទាន់ | ប្រាក់ចំណាយផ្ទាល់ខ្លួន $200 |
ការជួបពិនិត្យពិសេស | ប្រាក់ចំណាយផ្ទាល់ខ្លួន $15 |
អត្ថប្រយោជន៍ឱសថតាមវេជ្ជបញ្ជា
ឱសថតាមវេជ្ជបញ្ជា (Rx)
អត្ថប្រយោជន៍ឱសថតាមវេជ្ជបញ្ជា (Rx) ត្រូវបានរួមបញ្ចូលនៅក្នុងការធានារ៉ាប់រងរបស់អ្នក ហើយការផ្ទេរវេជ្ជបញ្ជារបស់អ្នកគឺសាមញ្ញ! គ្រាន់តែចូលទៅក្នុងគណនីអនឡាញ Kaiser Permanente របស់អ្នក ឬទូរសព្ទទៅសេវាបម្រើសមាជិក។
ការបញ្ជាទិញតាមប្រៃសណីយ៍គឺជាជម្រើសដែលមានតម្លៃសមរម្យបំផុត។ អ្នកអាចបំពេញវេជ្ជបញ្ជារបស់អ្នកតាមអ៊ីនធឺណិត តាមទូរសព្ទ ឬជាមួយកម្មវិធី Kaiser Permanente។
អាំងស៊ុយលីន៖ $0 ទូទៅ/ $0 ម៉ាកដែលនិយមប្រើ/ $0 ម៉ាកដែលមិននិយមប្រើ
ប្រដាប់ហឺត និង ប៊ិក EPI៖ ម៉ាកទូទៅ $5 /ដែលនិយមប្រើ $25
ប្រាក់ចំណាយផ្ទាល់ខ្លួន Rx | ការផ្គត់ផ្គង់របស់ឱសថស្ថានរយៈពេល 30 ថ្ងៃ | ការបញ្ជាទិញតាមប្រៃសណីយ៍ ការផ្គត់ផ្គង់រយៈពេល 90 ថ្ងៃ |
|---|---|---|
ថ្នាំពន្យារកំណើតទូទៅ* | $0 | $0 |
ឱសថផ្អែកតាមតម្លៃ** | $5 | $10 |
ឱសថម៉ាកដែលនិយមប្រើ | $25 | $50 |
ដែលមិននិយមប្រើ | $50 | $100 |
*ប្រសិនបើអ្នកធ្វើការឱ្យអង្គការដែលមានមូលដ្ឋានលើសាសនា គម្រោងសុខភាពរបស់អ្នកមិនរាប់បញ្ចូលការធានារ៉ាប់រងពន្យារកំណើត ដូចដែលបានអនុញ្ញាតស្របតាមករណីលើកលែងសាសនាក្នុងច្បាប់ Affordable Care Act (ច្បាប់ថែទាំដែលមានតម្លៃសមរម្យ)។ ទោះជាយ៉ាងណាក៏ដោយ អ្នកនឹងទទួលបានសេវាទាំងនេះដោយមិនគិតថ្លៃសម្រាប់អ្នក (និងដោយមិនចាត់វិធានការបន្ថែមណាមួយ) ពី Kaiser Permanente ដរាបណាអ្នកបានចុះឈ្មោះក្នុងគម្រោងសុខភាព។ **ឱសថផ្អែកតាមតម្លៃជាឱសថទូទៅសម្រាប់ព្យាបាលស្ថានភាពសុខភាពផ្សេងៗ។
អត្ថប្រយោជន៍បន្ថែម
សុខភាពផ្លូវចិត្ត
ទទួលបានជំនួយក្នុងការដោះស្រាយព្រឹត្តិការណ៍សំខាន់ៗក្នុងជីវិត ឬគ្រប់គ្រងបញ្ហានានាដូចជាភាពតានតឹង ឬការធ្លាក់ទឹកចិត្តជាដើម។ Kaiser Permanente ផ្តល់ជំនួយគាំទ្រយ៉ាងទូលំទូលាយ ដែលរួមមាន៖
ការថែទាំប្រកបដោយវិជ្ជាជីវៈ ការប្រើថ្នាំ ការព្យាបាលជាក្រុម និងច្រើនទៀត។
ចូលប្រើកម្មវិធីឥតគិតថ្លៃដូចជា Calm (សម្រាប់ការពង្រឹងសតិដឹង) និង Headspace Care (សម្រាប់ការបង្វឹកមួយទល់មួយ)។
- ការវាយតម្លៃអនឡាញ និងការពិនិត្យតាមប្រព័ន្ធអេឡិចត្រូនិក ដើម្បីពិនិត្យមើលរោគសញ្ញារបស់អ្នក និងទទួលបានជម្រើសដែលស័ក្តិសមសម្រាប់អ្នក។
ទូរសព្ទទៅលេខ 1-888-287-2680, ពីថ្ងៃច័ន្ទដល់ថ្ងៃសុក្រ ម៉ោង 8 ព្រឹក ដល់ 5 ល្ងាច។ KPNW អាចផ្គូផ្គងអ្នកជាមួយអ្នកឯកទេសសុខភាពផ្លូវចិត្តនៅក្នុងតំបន់របស់អ្នក ឬជួយអ្នកស្វែងរកការព្យាបាលសម្រាប់ការញៀន។
ការជួបពិនិត្យសុខភាពផ្លូវចិត្ត
អ្នកជំងឺក្រៅ៖ ប្រាក់ចំណាយផ្ទាល់ខ្លួន $0
អ្នកជំងឺសម្រាកក្នុងមន្ទីរពេទ្យ៖ ប្រាក់ចំណាយផ្ទាល់ខ្លួន $100 ក្នុងមួយថ្ងៃរហូតដល់ 5 ថ្ងៃសម្រាប់ការចូលសម្រាកម្តង។ តម្រូវឱ្យមានការអនុញ្ញាតជាមុន បើពុំនោះទេនឹងមិនត្រូវបានធានារ៉ាប់រងឡើយ។
ភ្នែក
ទទួលបានការថែទាំភ្នែកដ៏ទូលំទូលាយ រួមទាំងការពិនិត្យភ្នែកដោយឥតគិតថ្លៃមួយដង និងទឹកប្រាក់ $600 សម្រាប់ឧបករណ៍ជំនួយភ្នែក (ដូចជាកញ្ចក់ ស៊ុម និងកញ្ចក់ពាក់លើកែវភ្នែក) រៀងរាល់ 12 ខែម្តង។ ជ្រើសរើសពីជម្រើសដ៏ច្រើននៃវ៉ែនតាដែលមានគុណភាព ដើម្បីតម្រូវទៅតាមរចនាប័ទ្ម និងថវិការបស់អ្នក រួមទាំងសេវាការកែតម្រូវ និងជួសជុលដោយឥតគិតថ្លៃគ្រប់ពេលវេលា។
សមាជិកដែលមានអាយុចាប់ពី 19 ឆ្នាំឡើងទៅ៖ $600 ក្នុងយៈពេល 12 ខែម្ដង
សមាជិកអាយុក្រោម 19 ឆ្នាំ៖ មិនគិតថ្លៃសម្រាប់កញ្ចក់វ៉ែនតា ឬស៊ុម ឬកញ្ចក់ពាក់កែវភ្នែករៀងរាល់ 12 ខែ
ការបណ្តុះបណ្តាលសុខភាព និងកម្មវិធីនានា
ការបណ្តុះបណ្តាលសុខភាពត្រូវបានផ្តល់ដោយមិនគិតថ្លៃ ហើយមិនតម្រូវឱ្យមានការបញ្ជូនបន្តទេ។ ទទួលបានជំនួយគាំទ្រមួយទល់មួយពីគ្រូបង្វឹកសុខភាព ដើម្បីជួយអ្នកឱ្យញ៉ាំអាហារដែលល្អសម្រាប់សុខភាព កាត់បន្ថយភាពតានតឹង រក្សាភាពសកម្ម គ្រប់គ្រងទម្ងន់របស់អ្នក ផ្តាច់បារី និងច្រើនទៀត។
ប្រសិនបើអ្នកកំពុងគ្រប់គ្រងស្ថានភាពជំងឺរ៉ាំរ៉ៃដូចជាជំងឺទឹកនោមផ្អែម ឬជំងឺលើសឈាម គម្រោងរបស់អ្នកក៏រួមបញ្ចូលជំនួយគាំទ្រក្រុមថែទាំផ្ទាល់ខ្លួនផងដែរ (ទាមទារការបញ្ជូន) និងកម្មវិធីទូរសព្ទ និងកម្មវិធីដែលងាយស្រួលប្រើ។
ស្វែងយល់បន្ថែមអំពី ការបណ្តុះបណ្តាលសុខភាព ឬទូរសព្ទទៅលេខ 1-855-632-8280 ដើម្បីធ្វើការណាត់ជួបជាមួយគ្រូបង្វឹកសុខភាព។ មានសេវាកម្មបកប្រែ។
ម៉ាស្សា ការចាប់សរសៃ និងចាក់ម្ជុលវិទ្យាសាស្ត្រ
ការព្យាបាលដោយការចាប់សរសៃ និងការចាក់ម្ជុលវិទ្យាសាស្ត្រមានផ្តល់ជូនតាមរយៈប្រាក់ចំណាយផ្ទាល់ខ្លួនចំនួន $0 ។ ដែនកំណត់ការជួបពិនិត្យត្រូវបានអនុវត្ត។ សូមមើលព័ត៌មានលម្អិតអំពីគម្រោង។
ការព្យាបាលដោយម៉ាស្សាមានផ្តល់ជូនតាមរយៈប្រាក់ចំណាយផ្ទាល់ខ្លួន $25 សម្រាប់ការទៅជួបដោយខ្លួនឯងរហូតដល់ 12 ដងក្នុងមួយឆ្នាំ។ សូមមើលព័ត៌មានលម្អិតអំពីគម្រោង។
សេវាកម្មទាំងនេះអាចជួយព្យាបាល និងការពារការឈឺចាប់សាច់ដុំ និងសន្លាក់។ ត្រូវប្រាកដថាដើម្បីបញ្ជាក់ថាអ្នកផ្តល់សេវារបស់អ្នកទទួលយកការធានារ៉ាប់រងរបស់អ្នកនៅពេលកំណត់ពេលជួប។
ការព្យាបាលតាមបែបធម្មជាតិ
ការទៅជួបព្យាបាលតាមបែបធម្មជាតិ៖ ប្រាក់ចំណាយផ្ទាល់ខ្លួន $0។
ការព្យាបាលតាមបែបធម្មជាតិប្រើឱសថធម្មជាតិដូចជាអាហារូបត្ថម្ភ និងការផ្លាស់ប្តូររបៀបរស់នៅដើម្បីជួយដល់សុខភាពរបស់អ្នក។
ការព្យាបាលដោយចលនា
ការព្យាបាលដោយចលនាមានផ្តល់ជូនតាមរយៈប្រាក់ចំណាយផ្ទាល់ខ្លួន $15 សម្រាប់មួយលើក។
ដែនកំណត់នៃការជួបពិនិត្យត្រូវបានអនុវត្ត ហើយទាមទារការបញ្ជូនបន្ត។ សូមមើលព័ត៌មានលម្អិតអំពីគម្រោង។
ការព្យាបាលដោយចលនាអាចជួយអ្នកឱ្យជាសះស្បើយពីរបួស គ្រប់គ្រងការឈឺចាប់ និងធ្វើឱ្យចលនាប្រសើរឡើង។ ស្នើសុំការបញ្ជូនបន្តតាមរយៈវិបផតថលសមាជិក Kaiser Permanente របស់អ្នក ឬទូរសព្ទទៅសេវាសមាជិក។
បន្ទាប់ពីជំនួបរបស់អ្នក អ្នកនឹងទទួលបានសិទ្ធិចូលប្រើដោយឥតគិតថ្លៃទៅកាន់ MedBridge ដែលជាកម្មវិធីព្យាបាលដោយចលនាជាមួយនឹងលំហាត់ប្រាណផ្ទាល់ខ្លួន និងកម្មវិធីសន្ធឹងដងខ្លួនដែលតម្រូវតាមគោលដៅ និងសមត្ថភាពរបស់អ្នក។
សុខភាពបន្តពូជ
ការជួបពិនិត្យសុខភាពបន្តពូជផ្តល់ជូនតាមរយៈប្រាក់ចំណាយផ្ទាល់ខ្លួន $0-$15 ក្នុងមួយលើក។
ការទៅជួបពិនិត្យសម្រាប់ការបង្ការផ្តល់ជូនតាមរយៈប្រាក់ចំណាយផ្ទាល់ខ្លួន $0។ ចំនួនទឹកប្រាក់នៃប្រាក់ចំណាយផ្ទាល់ខ្លួនផ្សេងទៀតអាស្រ័យលើការកំណត់កូដរោគវិនិច្ឆ័យ។
ថ្នាំពន្យារកំណើតមានផ្តល់ជូនសម្រាប់ប្រាក់ចំណាយផ្ទាល់ខ្លួន $0*។
ប្រាក់ចំណាយផ្ទាល់ខ្លួន $0 សម្រាប់វេជ្ជបញ្ជាដែលអនុម័តដោយ FDA និងថ្នាំពន្យារកំណើត ឧបករណ៍ និងផលិតផលមិនទាមទារវេជ្ជបញ្ជា។
សេវារំលូតកូនមានតម្លៃនៃប្រាក់ចំណាយផ្ទាល់ខ្លួន $0
សម្រាប់ទាំងក្នុង និងក្រៅបណ្តាញ បរិបទអ្នកជំងឺសម្រាកក្នុងមន្ទីរពេទ្យ និងអ្នកជំងឺក្រៅព្រមទាំងថ្នាំ។ (សេវាដែលត្រូវបានរ៉ាប់រងនៅគ្រប់បរិបទ)
*ប្រសិនបើអ្នកធ្វើការឱ្យអង្គការដែលមានមូលដ្ឋានលើសាសនា គម្រោងសុខភាពរបស់អ្នកមិនរាប់បញ្ចូលការធានារ៉ាប់រងពន្យារកំណើត ដូចដែលបានអនុញ្ញាតស្របតាមករណីលើកលែងសាសនាក្នុងច្បាប់ Affordable Care Act (ច្បាប់ថែទាំដែលមានតម្លៃសមរម្យ)។ ទោះជាយ៉ាងណាក៏ដោយ អ្នកនឹងទទួលបានសេវាទាំងនេះដោយមិនគិតថ្លៃសម្រាប់អ្នក (និងដោយមិនចាត់វិធានការបន្ថែមណាមួយ) ពី Kaiser Permanente ដរាបណាអ្នកបានចុះឈ្មោះក្នុងគម្រោងសុខភាព។
ការថែទាំដែលបញ្ជាក់ពីយេនឌ័រ
Kaiser Permanente ផ្តល់ជូន ការថែទាំដែលបញ្ជាក់អំពីយេនឌ័រ ក្នុងបរិយាកាសសុវត្ថិភាព និងការគាំទ្រ។ សេវាកម្មរួមមាន ការព្យាបាលដោយអរម៉ូន ជំនួយសុខភាពផ្លូវចិត្ត ការវះកាត់ និងការថែទាំកុមារ និងក្មេងជំទង់។
ធានារ៉ាប់រងបន្ថែម
KPNW គឺជាគម្រោងសុខភាពចម្បងរបស់អ្នក ប៉ុន្តែការធានារ៉ាប់រងសុខភាពរបស់អ្នកក៏រួមបញ្ចូលអត្ថប្រយោជន៍បន្ថែមទាំងនេះផងដែរ៖
ជម្រើសនៃការធានារ៉ាប់រងធ្មេញ
អ្នកអាចជ្រើសរើសពីគម្រោងសុខភាពធ្មេញចំនួនពីរ ហើយសម្រេចចិត្តថាមួយណាដែលល្អបំផុតសម្រាប់អ្នក។ ជម្រើសទាំងពីររួមមានការពិនិត្យជាប្រចាំ អត្ថប្រយោជន៍នៃការតម្រង់ធ្មេញ និងបណ្តាញអ្នកផ្តល់សេវាទូលំទូលាយ។
ប្រើតារាងដើម្បីប្រៀបធៀបគម្រោង និងពិនិត្យមើលការចំណាយប្រាក់ហោប៉ៅដែលអាចកើតមានរបស់អ្នកសម្រាប់សេវាកម្មទូទៅនៅក្នុងព័ត៌មានសង្ខេបអំពីគម្រោង។
 |  | |
|---|---|---|
អត្ថប្រយោជន៍
អតិបរមាប្រចាំឆ្នាំ | $5,000 | គ្មាន |
ប្រាក់បង់មុន | $0 | $0 |
ការពិនិត្យតាមទម្លាប់ | ធានារ៉ាប់រងពេញលេញ | ធានារ៉ាប់រងពេញលេញ |
អត្ថប្រយោជន៏នៃការតម្រង់ធ្មេញ | បាទ/ចាស | បាទ/ចាស |
បណ្ដាញអ្នកផ្ដល់សេវាព្យាបាល | Delta Dental មានបណ្តាញអ្នកផ្តល់សេវាទូលំទូលាយ រួមទាំងនៅតំបន់ជនបទផងដែរ។ អ្នកនឹងចង់ស្វែងរកពេទ្យធ្មេញ Delta Dental PPO ដើម្បីបង្កើនអត្ថប្រយោជន៍របស់អ្នកឱ្យដល់កម្រិតអតិបរមា។ | Willamette Dental មានទីតាំងងាយស្រួលជាច្រើននៅ Washington ភាគខាងលិច ដែលអាចឱ្យអ្នកងាយស្រួលស្វែងរកទន្តពេទ្យ Willamette ប្រសិនបើអ្នករស់នៅតាមច្រករបៀង I-5។ |
ស្វែងរកពេទ្យធ្មេញនៅជិតអ្នក | 1-800-554-1907 DeltaDentalWA.com | 1-855-433-6825 willamettedental.com |
អត្ថប្រយោជន៍សុខភាពត្រចៀក
តាមរយៈ EPIC Hearing អ្នក និងកូនរបស់អ្នកអាចទទួលបានការពិនិត្យត្រចៀកប្រចាំឆ្នាំដោយមិនគិតថ្លៃដោយមានការប្រឹក្សាពីអ្នកផ្តល់សេវាក្នុងបណ្តាញ និងទឹកប្រាក់រហូតដល់ $3,000 សម្រាប់ឧបករណ៍ជំនួយការស្តាប់ជាមួយនឹងការធានាបន្ថែមសម្រាប់ត្រចៀកនីមួយៗរៀងរាល់ 36 ខែម្តង។
ការកសាងគ្រួសារ ការបន្តពូជ និងការថែទាំពាក់កណ្តាលជីវិត
ទទួលបានអត្ថប្រយោជន៍សម្រាប់គ្រប់ដំណាក់កាលនៃជីវិត ចាប់ពីការមានកូន និងការកសាងគ្រួសារ រហូតដល់មានផ្ទៃពោះ ក្រោយសម្រាល និងអស់រដូវ។ ទទួលបានការរ៉ាប់រងសម្រាប់ការព្យាបាលចុងក្រោយបំផុត ជំនួយគាំទ្រផ្ទាល់ខ្លួនពី Patient Care Advocates (PCA) និងការថែទាំដោយផ្ទាល់ ឬតាមអ៊ីនធឺណិត។ ហើយឥឡូវនេះ អ្នកអាចទទួលបានរហូតដល់ $15,000 សម្រាប់ការចំណាយទាក់ទងនឹងការសុំកូនចិញ្ចឹម (អត្ថប្រយោជន៍ពេញមួយជីវិត)។
ព័ត៌មានលម្អិតអំពីគម្រោង KPNW
សូមមើលការបកស្រាយពេញលេញនៃគម្រោងវេជ្ជសាស្ត្រ និងសុខភាពធ្មេញរបស់អ្នក រួមទាំងការចំណាយប្រាក់ហោប៉ៅ អត្ថប្រយោជន៍ និងការធានារ៉ាប់រងសម្រាប់ឱសថវេជ្ជបញ្ជា ការជួបពិនិត្យ និងការព្យាបាល។
បញ្ជីត្រួតពិនិត្យពាក្យស្នើសុំ
មគ្គុទេសក៍របស់អ្នកសម្រាប់ដំណើរការនៃការដាក់ពាក្យដោយរលូន។ វាណែនាំអ្នកគ្រប់ជំហាន—ចាប់ពីការស្វែងយល់អំពីអត្ថប្រយោជន៍របស់អ្នក រហូតដល់ការដាក់ពាក្យស្នើសុំរបស់អ្នក និងអ្វីៗជាច្រើនទៀត។
វាក្យសព្ទទូទៅ
ស្វែងយល់ពីនិយមន័យនៃវាក្យសព្ទធានារ៉ាប់រងទូទៅ ដើម្បីជួយអ្នកឱ្យយល់កាន់តែច្បាស់អំពីអត្ថប្រយោជន៍គម្រោងរបស់អ្នក។
ធនធាន និងជំនួយ
អត្ថប្រយោជន៍សុខភាពសេវាអតិថិជន
ទទួលបានជំនួយទាក់ទងនឹងសំណួរអំពីការធានារ៉ាប់រង សិទ្ធិទទួលបាន ការដាក់ពាក្យ និងច្រើនទៀត។
សេវាបម្រើអតិថិជនមានពីថ្ងៃចន្ទ ដល់ថ្ងៃសុក្រ ពីម៉ោង 8 ព្រឹក ដល់ 6 ល្ងាច។
1-877-606-6705
មានជំនួយគាំទ្រតាមភាសា។
ជំនួយការជជែកផ្ទាល់
ចូលគណនីទៅក្នុង គណនីអត្ថប្រយោជន៍សុខភាពរបស់អ្នកសម្រាប់ជំនួយតាមរយៈការជជែក។
SEIU775BG-caregiver@magnacare.com
មិនអាចទាក់ទងសេវាបម្រើអតិថិជនក្នុងម៉ោងធ្វើការឬ?
អ៊ីមែល និងទទួលបានការឆ្លើយតបក្នុងរយៈពេល 2 ថ្ងៃនៃថ្ងៃធ្វើការ។
Kaiser Permanente Northwest
សេវាបម្រើសមាជិកថ្មី៖
1-888-491-1124
myseiu.be/kp-new-member
សេវាបម្រើសមាជិក៖
1-888-813-2000
myseiu.be/kp-member
សេវាសុខភាពផ្លូវចិត្ត
1-855-632-8280
myseiu.be/kpnw-bh
ខ្សែទូរសព្ទជំនួយគិលានុបដ្ឋាក
1-800-324-8010
myseiu.be/kp-nurse
ជំនួយភាសាសមាជិក
1-888-813-2000
myseiu.be/kp-language
សុខភាពធ្មេញ
Delta Dental
1-800-554-1907
deltadentalwa.com
Willamette Dental
1-855-433-6825
myseiu.be/willamette
អត្ថប្រយោជន៍ផ្សេងទៀត
ផ្នែកការស្ដាប់ EPIC
1-866-956-5400
myseiu.be/epic
Progyny (ភាពមានកូន និងការកសាងគ្រួសារ)
1-877-363-5638
myseiu.be/progyny
ជំនួយតាមភាសា
ទាក់ទងសេវាកម្មអតិថិជននៃអត្ថប្រយោជន៍សុខភាព ហើយអ្នកនឹងត្រូវបានភ្ជាប់ទៅកាន់នរណាម្នាក់ដែលនិយាយភាសារបស់អ្នក ហើយអាចជួយអ្នកក្នុងការស្នើសុំ និងគ្រប់គ្រងអត្ថប្រយោជន៍របស់អ្នក។
បន្ទាប់ពីការចុះឈ្មោះ ជំនួយផ្នែកភាសាអាចរកបានតាមរយៈសេវាកម្មសមាជិក KPWA ផងដែរ។
គ្រប់គ្រងអត្ថប្រយោជន៍សុខភាពរបស់អ្នកដោយប្រើគណនីអនឡាញ
- មើលចំនួនម៉ោង និងសិទ្ធិទទួលបានអត្ថប្រយោជន៍សុខភាព។
- ស្នើសុំ ឬធ្វើការផ្លាស់ប្តូរចំពោះការធានារ៉ាប់រងលើការថែទាំសុខភាព។
- ចូលប្រើឯកសារ និងទម្រង់ផែនការផ្សេងៗ។
- ចុះឈ្មោះសម្រាប់ទំនាក់ទំនងតាមអ៊ីមែលអំពីការធានារ៉ាប់រង។
ជំនួយអត្ថប្រយោជន៍សុខភាព
ទទួលបានជំនួយលើការធានារ៉ាប់រង សិទ្ធិទទួលបាន ការដាក់ពាក្យ និងអ្វីៗជាច្រើនទៀតដោយចូលទៅកាន់ទំព័រជំនួយ ឬទូរសព្ទទៅផ្នែកសេវាបម្រើអតិថិជនតាមរយៈលេខ 1-877-606-6705 ។
Coverage for Kids (ការធានារ៉ាប់រងសម្រាប់កុមារ)
ប្រសិនបើអ្នកធ្វើការចាប់ពី 120 ម៉ោងឡើងទៅក្នុងមួយខែ កូនរបស់អ្នកទទួលបានអត្ថប្រយោជន៍ដ៏អស្ចារ្យដូចគ្នាទាំងអស់ដែលអ្នកទទួលបាន រួមទាំងសុខភាពផ្លូវអារម្មណ៍ ការវះកាត់ធ្មេញ ការពិនិត្យសុខភាព និងអ្វីៗជាច្រើនទៀត។
សិទ្ធិទទួលបានការធានារ៉ាប់រងលើការថែទាំសុខភាព
ស្វែងយល់អំពីរបៀបឱ្យមានលក្ខណៈគ្រប់គ្រាន់ក្នុងការទទួលបានការធានារ៉ាប់រងលើការថែទាំសុខភាពសម្រាប់អ្នក ឬកូនរបស់អ្នក និងរបៀបដែលចំនួនម៉ោងធ្វើការរបស់អ្នកមានឥទ្ធិពលលើការធានារ៉ាប់រងរបស់អ្នក។
លក្ខខណ្ឌនៃការធានារ៉ាប់រងលើការថែទាំសុខភាពទូទៅ
ស្វែងយល់ពីនិយមន័យនៃពាក្យនិងនិយមន័យធានារ៉ាប់រងទូទៅ ដើម្បីយល់កាន់តែច្បាស់អំពីគម្រោងធានារ៉ាប់រងរបស់អ្នក។