ស្បែកជើងធ្វើការដែលធន់នឹងការរអិលត្រូវបានរចនាឡើងសម្រាប់អ្នកថែទាំ។
អ្នកថែទាំដែលត្រូវទៅតាមលក្ខខណ្ឌ អាចទទួលបានមួយគូដោយឥតគិតថ្លៃជារៀងរាល់ឆ្នាំ!
ផាសុកភាព សុវត្ថិភាព និងទាន់សម័យ
អ្នកថែទាំបាននិយាយថាស្បែកជើង Caregiver Kicks អាចជួយសម្រួលដល់ការឈឺចាប់ជើង និងខ្នង និងមានប្រសិទ្ធភាពជាមួយកម្រាលឥដ្ឋដែលរអិល។ ពួកវាមិនត្រូវបានរចនាឡើងដើម្បីប្រើក្នុងស្ថានភាពមានព្រិលទឹកកក ឬកន្លែងហាត់ប្រាណនោះទេ។ មើលវីដេអូអំពីសុវត្ថិភាព។
អ្នកអាចជ្រើសរើសក្នុងចំណោមម៉ាកល្បីៗជាង 180 ដូចជា Reebok, Skechers, Crocs និងច្រើនទៀត។
ទទួលបាន 1 គូដោយឥតគិតថ្លៃរៀងរាល់ 12 ខែ។
ដើម្បីមានសិទ្ធិទទួលបាន៖ ធ្វើការយ៉ាងហោចណាស់ឱ្យបាន 80 ម៉ោងក្នុងរយៈពេលពីរខែជាប់ៗគ្នា (សរុប 160+ ម៉ោង)។ អ្នកនឹងមានសិទ្ធិទទួលបាននៅខែទី 4 ហើយអាចស្នើសុំមួយគូដំបូងរបស់អ្នកបាន។ បន្ទាប់ពីនោះ អ្នកអាចស្នើសុំស្បែកជើងថ្មីមួយគូរៀងរាល់ 12 ខែម្តង ដរាបណាអ្នកនៅតែបំពេញតាមលក្ខខណ្ឌតម្រូវនៃសិទ្ធិទទួលបាន។
ដើម្បីស្នើសុំ៖
- ស្នើសុំអនឡាញ៖ ចូលគណនី ដោយប្រើប្រាស់ព័ត៌មានទំនាក់ទំនងរបស់អ្នក។ នៅពេលដែលអ្នកទទួលបានការផ្ទៀងផ្ទាត់រួច សូមជ្រើសរើសស្បែកជើងរបស់អ្នក ហើយធ្វើការស្នើសុំ។
- ស្នើសុំតាមទូរសព្ទ៖ រុករកមើលតាមកាតាឡុកអនឡាញ រួចទូរសព្ទទៅលេខ 1-877-606-6705 (ថ្ងៃចន្ទ ដល់ ថ្ងៃសុក្រ ម៉ោង 8 ព្រឹកដល់ម៉ោង 6 ល្ងាច ម៉ោងប៉ាស៊ីហ្វិក)។
សម្រាប់សំណួរអំពីលក្ខខណ្ឌតម្រូវ ឬការស្នើសុំ សូមទូរសព្ទមកលេខ
(ថ្ងៃចន្ទ ដល់ ថ្ងៃសុក្រ ម៉ោង 8 ព្រឹកដល់ម៉ោង 6 ល្ងាច ម៉ោងប៉ាស៊ីហ្វិក)។
សំណួរទូទៅ៖
តើខ្ញុំអាចផ្លាស់ប្តូរសំណើរបស់ខ្ញុំបានទេ?
បាទ/ចាស។ សូមទូរសព្ទទៅ SR Max តាមលេខ 1-833-599-9621 (ថ្ងៃចន្ទ ដល់ ថ្ងៃសុក្រ ម៉ោង 5 ព្រឹក ដល់ 5 ល្ងាច ម៉ោងប៉ាស៊ីហ្វិក) ឱ្យបានឆាប់តាមដែលអាចធ្វើទៅបាន ដើម្បីស្នើសុំការផ្លាស់ប្តូរ។
តើខ្ញុំអាចស្នើសុំទ្រនាប់ជើងរបស់ខ្ញុំពីគេហទំព័រ SR Max បានទេ?
ទេ។ អ្នកត្រូវតែចូលទៅកាន់ គេហទំព័រសម្រាប់ការស្នើសុំរបស់ Caregiver Kicks ជាមុនសិន។ ការស្នើសុំដោយផ្ទាល់ពីគេហទំព័រសាធារណៈ SR Max នឹងតម្រូវឱ្យបង់ប្រាក់។ ប្រសិនបើអ្នកមានសំណួរផ្សេងៗ សូមទូរសព្ទមកលេខ 1-877-606-6705 (ថ្ងៃចន្ទ ដល់ ថ្ងៃសុក្រ ពីម៉ោង 8 ព្រឹកដល់ម៉ោង 6 ល្ងាច ម៉ោងប៉ាស៊ីហ្វិក)។
ចុះប្រសិនបើស្បែកជើងដែលខ្ញុំស្នើមិនមាននៅក្នុងស្តុកវិញនោះ?
SR Max នឹងផ្ញើអ៊ីមែលទៅអ្នក ក្នុងចន្លោះពេលប្រហែលមួយសប្តាហ៍ ជាមួយនឹងកាលបរិច្ឆេទដែលប៉ាន់ស្មានអំពីលទ្ធភាពមាន និងការណែនាំសម្រាប់ជ្រើសរើសម៉ូដផ្សេងទៀត ប្រសិនបើអ្នកមិនចង់រង់ចាំ។
តើស្បែកជើងរបស់ខ្ញុំនឹងមកដល់នៅពេលណា?
អ្នកនឹងទទួលបានព័ត៌មានថ្មីៗតាមអ៊ីមែលជាមួយនឹងកាលបរិច្ឆេទដឹកជញ្ជូនប៉ាន់ស្មានរបស់អ្នក បន្ទាប់ពីអ្នកធ្វើការស្នើសុំ។ ប្រសិនបើមានការយឺតយ៉ាវ ឬមានបញ្ហាជាមួយនឹងការស្នើសុំរបស់អ្នកនោះ SR Max នឹងទាក់ទងអ្នកតាមអ៊ីមែល។
តើអ្នកដឹកជញ្ជូនទៅកាន់ប្រអប់ សំបុត្រឬ?
បាទ/ចាស។
ចុះប្រសិនបើស្បែកជើងរបស់ខ្ញុំបានបាត់ ឬត្រូវគេលួចវិញនោះ?
ប្រសិនបើអ្នកគិតថាកញ្ចប់ទំនិញរបស់អ្នកត្រូវបានបាត់បង់ ឬត្រូវបានគេលួច សូមទូរសព្ទមកលេខ 1-833-599-9621 (ថ្ងៃចន្ទ ដល់ ថ្ងៃសុក្រ ពីម៉ោង 5 ព្រឹកដល់ម៉ោង 5 ល្ងាច ម៉ោងប៉ាស៊ីហ្វិក)។ SR Max អាចបញ្ជាក់ពីស្ថានភាពដឹកជញ្ជូនបាន។ ស្បែកជើងដែលត្រូវបានបញ្ជាក់ថាបានប្រគល់ដល់កន្លែងដោយក្រុមហ៊ុនដឹកជញ្ជូនមិនអាចប្តូរវិញបានទេ។