Secure Retirement Plan (ਸੁਰੱਖਿਅਤ ਰਿਟਾਇਰਮੈਂਟ ਯੋਜਨਾ)
ਦੇਖਭਾਲ ਕਰਨ ਵਾਲਿਆਂ ਲਈ ਵਾਧੂ ਰਿਟਾਇਰਮੈਂਟ ਆਮਦਨ।
ਇਸ ਯੋਜਨਾ ਨੂੰ ਰਿਟਾਇਰਮੈਂਟ ਲਈ ਤੁਹਾਨੂੰ ਕਮਾਈ ਦਾ ਇੱਕ ਹੋਰ ਸਾਧਨ ਦੇਣ ਲਈ ਬਣਾਇਆ ਗਿਆ ਸੀ। ਇਹ ਅਸਾਨ, ਚਿੰਤਾ-ਮੁਕਤ ਹੈ ਅਤੇ ਤੁਹਾਡੇ ਲਈ ਪੂਰੀ ਤਰ੍ਹਾਂ ਇੱਕ ਵਾਧੂ ਬੈਨਿਫ਼ਿਟ ਹੈ!
ਰਿਟਾਇਰਮੈਂਟ ਬਚਤ ਹੋਈ ਅਸਾਨ।
ਇੱਕ ਦੇਖਭਾਲਕਰਤਾ ਵਜੋਂ ਕੰਮ ਕਰਨਾ ਸ਼ੁਰੂ ਕਰੋ ਅਤੇ ਕਿਸੇ ਭਾਗ ਲੈਣ ਵਾਲੇ ਐਂਪਲੌਇਅਰ ਨਾਲ 6 ਮਹੀਨੇ ਕੰਮ ਕਰਨ ਮਗਰੋਂ, ਤੁਹਾਡਾ ਨਾਮ ਇਸ ਯੋਜਨਾ ਵਿੱਚ ਆਪਣੇ ਆਪ ਹੀ ਦਰਜ ਹੋ ਜਾਵੇਗਾ। ਤੁਹਾਡਾ ਐਂਪਲੌਇਅਰ ਤੁਹਾਡੇ ਦੁਆਰਾ ਕੰਮ ਕੀਤੇ ਹਰ ਯੋਗ ਘੰਟੇ ਲਈ ਪੈਸੇ ਦਾ ਯੋਗਦਾਨ ਪਾਉਂਦਾ ਹੈ। 7ਵੇਂ ਜਾਂ 8ਵੇਂ ਮਹੀਨੇ ਵਿੱਚ, ਤੁਹਾਨੂੰ ਆਪਣਾ ਖਾਤਾ ਖੋਲ੍ਹਣ ਅਤੇ ਇੱਕ ਲਾਭਪਾਤਰੀ ਚੁਣਨ ਦੇ ਤਰੀਕੇ ਬਾਰੇ ਜਾਣਕਾਰੀ ਦਿੰਦੀ ਹੋਈ ਇੱਕ ਚਿੱਠੀ ਮਿਲੇਗੀ।
ਇਹ ਖਾਤਾ ਪੂਰੀ ਤਰ੍ਹਾਂ ਤੁਹਾਡਾ (ਵੈਸਟਿਡ) ਹੈ ਅਤੇ ਰਿਟਾਇਰਮੈਂਟ ਵਾਸਤੇ ਹੈ। ਇਹ ਪੈਸਾ ਯੋਜਨਾ ਵਿੱਚ ਉਦੋਂ ਤੱਕ ਰਹੇਗਾ ਜਦ ਤੱਕ ਤੁਸੀਂ ਰਿਟਾਇਰਮੈਂਟ ਦੀ ਉਮਰ (ਆਮ ਤੌਰ 'ਤੇ 65 ਸਾਲ) ਤੱਕ ਨਹੀਂ ਪਹੁੰਚ ਜਾਂਦੇ। ਇਹ ਕੋਈ ਬਚਤ ਖਾਤਾ ਨਹੀਂ ਹੈ ਜਿਸਦਾ ਇਸਤੇਮਾਲ ਤੁਸੀਂ ਇਸਤੋਂ ਪਹਿਲਾਂ ਕਰ ਸਕੋ।
ਇਸ ਯੋਜਨਾ ਦਾ ਪ੍ਰਬੰਧਕ, Milliman, ਤੁਹਾਡੇ ਖਾਤੇ ਨੂੰ ਸੰਭਾਲਦਾ ਹੈ। ਤੁਸੀਂ ਕਿਸੇ ਵੀ ਸਮੇਂ ਲੌਗ ਇਨ ਕਰਕੇ ਆਪਣਾ ਬਕਾਇਆ ਦੇਖ ਸਕਦੇ ਹੋ ਅਤੇ ਆਪਣੀ ਜਾਣਕਾਰੀ ਜਾਂ ਲਾਭਪਾਤਰੀਆਂ ਨੂੰ ਅੱਪਡੇਟ ਕਰ ਸਕਦੇ ਹੋ—ਭਾਵੇਂ ਤੁਸੀਂ ਹੁਣ ਇੱਕ ਦੇਖਭਾਲਕਰਤਾ ਵਜੋਂ ਕੰਮ ਨਾ ਕਰ ਰਹੇ ਹੋਵੋ।
ਆਪਣੇ ਪੈਸੇ ਨੂੰ ਵਧਦੇ ਹੋਏ ਦੇਖੋ।
Secure Retirement Plan (ਸੁਰੱਖਿਅਤ ਰਿਟਾਇਰਮੈਂਟ ਯੋਜਨਾ) ਦੇ ਮੈਂਬਰ ਆਪਣੇ ਰਿਟਾਇਰਮੈਂਟ ਖਾਤੇ ਨੂੰ ਆਨਲਾਈਨ ਐਕਸੈਸ ਕਰ ਸਕਦੇ ਹਨ।
ਆਪਣੇ ਖਾਤੇ ਦਾ ਬਕਾਇਆ ਦੇਖੋ।
ਆਪਣੇ ਖਾਤੇ ਦੀਆਂ ਸਟੇਟਮੈਂਟਾਂ ਨੂੰ ਐਕਸੈਸ ਕਰੋ।
ਇੱਕ ਲਾਭਪਾਤਰੀ ਨਾਮਜ਼ਦ ਕਰੋ।
ਅਕਸਰ ਪੁੱਛੇ ਜਾਣ ਵਾਲੇ ਸਵਾਲ
ਮੈਂ Secure Retirement Plan (ਸੁਰੱਖਿਅਤ ਰਿਟਾਇਰਮੈਂਟ ਯੋਜਨਾ) ਵਿੱਚ ਕਿਵੇਂ ਭਾਗ ਲਵਾਂ?
ਕਿਸੇ ਕਵਰਡ (ਭਾਗ ਲੈਣ ਵਾਲੇ) ਐਂਪਲੌਇਅਰ ਨਾਲ 6 ਮਹੀਨਿਆਂ ਤੱਕ ਦੇਖਭਾਲਕਰਤਾ ਵਜੋਂ ਕੰਮ ਕਰਨ ਤੋਂ ਬਾਅਦ, ਤੁਹਾਡਾ ਨਾਮ ਆਪਣੇ ਆਪ ਹੀ ਦਰਜ ਹੋ ਜਾਵੇਗਾ। ਸੱਤਵੇਂ ਜਾਂ ਅੱਠਵੇਂ ਮਹੀਨੇ ਦੌਰਾਨ ਤੁਹਾਨੂੰ ਇੱਕ ਸੁਆਗਤੀ ਚਿੱਠੀ ਆਏਗੀ ਜਿਸ ਵਿੱਚ ਰਜਿਸਟ੍ਰੇਸ਼ਨ ਦਾ ਤਰੀਕਾ ਦੱਸਿਆ ਹੋਵੇਗਾ।
ਮੇਰਾ ਐਂਪਲੌਇਅਰ ਕਿੰਨਾ ਯੋਗਦਾਨ ਪਾ ਰਿਹਾ ਹੈ?
ਜਦੋਂ ਤੁਸੀਂ ਮੈਂਬਰ ਬਣ ਜਾਂਦੇ ਹੋ, ਤਾਂ ਤੁਹਾਡਾ ਐਂਪਲੌਇਅਰ CBA ਦੇ ਤਹਿਤ ਤੁਹਾਡੇ ਦੁਆਰਾ ਕੰਮ ਕੀਤੇ ਹਰ ਯੋਗ ਘੰਟੇ ਲਈ ਪੈਸਾ ਜਮ੍ਹਾਂ ਕਰਾਉਂਦਾ ਹੈ। ਯੋਗਦਾਨ ਦੀ ਰਕਮ ਹਰ ਐਂਪਲੌਇਅਰ ਲਈ ਵੱਖਰੀ ਹੁੰਦੀ ਹੈ। ਤੁਹਾਡਾ ਖਾਤਾ ਪੂਰੀ ਤਰ੍ਹਾਂ ਤੁਹਾਡਾ (ਨਿਹਿਤ) ਹੁੰਦਾ ਹੈ, ਮਤਲਬ ਇਹ ਕਿ ਇਸਨੂੰ ਜ਼ਬਤ ਨਹੀਂ ਕੀਤਾ ਜਾ ਸਕਦਾ।
ਕੀ ਪੈਸਾ ਮੇਰੀ ਤਨਖਾਹ ਤੋਂ ਕੱਟਿਆ ਜਾਂਦਾ ਹੈ?
ਜੀ ਨਹੀਂ। ਤੁਹਾਡਾ ਐਂਪਲੌਇਅਰ ਤੁਹਾਡੇ ਵੱਲੋਂ ਕਵਰਡ ਰੁਜ਼ਗਾਰ ਵਿੱਚ ਇੱਕ ਦੇਖਭਾਲਕਰਤਾ ਵਜੋਂ ਕੰਮ ਕੀਤੇ ਹਰ ਘੰਟੇ ਲਈ ਤੁਹਾਡੇ SRP ਖਾਤੇ ਵਿੱਚ ਪੈਸੇ ਜੋੜਦਾ ਹੈ। ਯੋਗਦਾਨ ਸਮੂਹਕ ਸੌਦੇਬਾਜ਼ੀ ਸਮਝੌਤੇ (Collective Bargaining Agreement, CBA) ਅਨੁਸਾਰ ਤੈਅ ਕੀਤੇ ਜਾਂਦੇ ਹਨ।
ਕੀ ਮੈਂ ਇਸ ਵਿੱਚ ਆਪਣਾ ਪੈਸਾ ਜਮ੍ਹਾਂ ਕਰਵਾ ਸਕਦਾ/ਸਕਦੀ ਹਾਂ?
ਜੀ ਨਹੀਂ। SRP ਵਿੱਚ ਭਾਗੀਦਾਰ ਮੈਂਬਰਾਂ ਦਾ ਯੋਗਦਾਨ ਸਵੀਕਾਰ ਨਹੀਂ ਕੀਤਾ ਜਾਂਦਾ ਹੈ। ਜੇ ਤੁਸੀਂ ਹੋਰ ਬਚਤ ਕਰਨੀ ਚਾਹੁੰਦੇ ਹੋ, ਤਾਂ Individual Retirement Account (IRA) (ਵਿਅਕਤੀਗਤ ਰਿਟਾਇਰਮੈਂਟ ਖਾਤਾ) ਖੋਲ੍ਹਣ ਬਾਰੇ ਵਿਚਾਰ ਕਰੋ। ਘੱਟ-ਲਾਗਤ ਵਾਲੇ IRA ਵਿਕਲਪ ਦੇਖਣ ਲਈ Washington State Retirement Marketplace (ਵਾਸ਼ਿੰਗਟਨ ਸਟੇਟ ਰਿਟਾਇਰਮੈਂਟ ਮਾਰਕਿਟਪਲੇਸ) 'ਤੇ ਜਾਓ।
ਮੈਂ ਆਪਣੇ ਖਾਤੇ ਨੂੰ ਕਿਵੇਂ ਐਕਸੈਸ ਕਰਾਂ?
ਤੁਸੀਂ ਆਪਣੇ Retirement: My Plan ਖਾਤੇ ਨੂੰ ਔਨਲਾਈਨ ਐਕਸੈਸ ਕਰ ਸਕਦੇ ਹੋ।
ਜੇ ਤੁਸੀਂ ਹੁਣ ਇੱਕ ਦੇਖਭਾਲਕਰਤਾ ਦੇ ਰੂਪ ਵਿੱਚ ਕੰਮ ਨਹੀਂ ਕਰ ਰਹੇ ਹੋ, ਤਾਂ ਵੀ ਤੁਹਾਡੇ ਕੋਲ ਆਪਣੇ ਖਾਤੇ ਤੱਕ ਲੌਗਇਨ ਕਰਨ ਲਈ ਪਹੁੰਚ ਹੁੰਦੀ ਹੈ। ਆਪਣੀ ਸੰਪਰਕ ਜਾਣਕਾਰੀ ਨੂੰ ਅੱਪ-ਟੂ-ਡੇਟ ਰੱਖੋ।
Milliman ਕੌਣ ਹੈ?
Milliman, SRP ਦਾ ਰਿਕਾਰਡ ਰੱਖਦਾ ਹੈ। ਉਹ ਖਾਤੇ ਦੇ ਵੇਰਵੇ ਉਪਲਬਧ ਕਰਾਉਂਦੇ ਹਨ ਅਤੇ ਉਨ੍ਹਾਂ ਨਾਲ ਸੋਮਵਾਰ ਤੋਂ ਸ਼ੁੱਕਰਵਾਰ ਸਵੇਰੇ 5 ਵਜੇ ਤੋਂ ਸ਼ਾਮ 5 ਤੱਕ 1-800-726-8303 ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ। ਅਨੁਵਾਦਕ ਉਪਲਬਧ ਹੁੰਦੇ ਹਨ।
ਇਸ ਬਾਰੇ ਫ਼ੈਸਲਾ ਕੌਣ ਕਰਦਾ ਹੈ ਕਿ ਮੇਰੇ ਪੈਸੇ ਨੂੰ ਕਿੱਥੇ ਲਾਇਆ (ਨਿਵੇਸ਼ ਕੀਤਾ) ਜਾਵੇਗਾ?
SRP ਦੇ ਟ੍ਰਸਟੀ ਨਿਵੇਸ਼ਾਂ ਦੀ ਦੇਖਰੇਖ ਕਰਦੇ ਹਨ, ਜਿਨ੍ਹਾਂ ਦਾ ਪ੍ਰਬੰਧਨ ਮਾਹਰਾਂ ਦੁਆਰਾ ਕੀਤਾ ਜਾਂਦਾ ਹੈ ਤਾਂ ਜੋ ਸਮੇਂ ਦੇ ਨਾਲ ਤੁਹਾਡੀ ਬਚਤ ਵਿੱਚ ਵਾਧਾ ਹੋ ਸਕੇ। SRP ਤੁਹਾਡੀ ਜਨਮ ਮਿਤੀ ਦੇ ਅਧਾਰ 'ਤੇ ਟੀਚਾਬੱਧ ਮਿਤੀ ਵਾਲੇ ਫ਼ੰਡਾਂ ਦੀ ਵਰਤੋਂ ਕਰਦਾ ਹੈ।
ਮੈਨੂੰ ਮੇਰਾ ਪੈਸਾ ਕਿਵੇਂ ਮਿਲੇਗਾ, ਅਤੇ ਇਸਦੇ ਲਈ ਉਡੀਕ ਸਮਾਂ ਕਿਉਂ ਹੈ?
ਆਮ ਤੌਰ 'ਤੇ, ਪੈਸਾ ਕਢਵਾਉਣ ਵਾਸਤੇ ਤੁਹਾਡਾ 65 ਸਾਲ ਜਾਂ ਇਸਤੋਂ ਵੱਧ ਉਮਰ ਦੇ ਹੋਣਾ ਜ਼ਰੂਰੀ ਹੁੰਦਾ ਹੈ। 1 ਜਨਵਰੀ 2025 ਤੋਂ:
- ਜੇ ਤੁਹਾਡੇ ਖਾਤੇ ਵਿੱਚ $5,000 ਤੋਂ ਵੱਧ ਰਕਮ ਹੈ, ਤਾਂ ਇਸਦਾ ਭੁਗਤਾਨ ਮਹੀਨੇਵਾਰ ਕਿਸ਼ਤਾਂ (ਘੱਟੋ-ਘੱਟ $200, ਟੈਕਸ ਕੱਟਣ ਤੋਂ ਬਾਅਦ) ਵਿੱਚ ਕੀਤਾ ਜਾਵੇਗਾ।
- ਜੇ ਤੁਹਾਡੇ ਖਾਤੇ ਵਿੱਚ $5,000 ਜਾਂ ਇਸਤੋਂ ਘੱਟ ਹਨ ਅਤੇ ਤੁਸੀਂ ਹੁਣ ਕੰਮ ਨਹੀਂ ਕਰ ਰਹੇ ਹੋ, ਤਾਂ 24 ਮਹੀਨਿਆਂ ਦੀ ਉਡੀਕ ਕਰਨ ਮਗਰੋਂ, ਇਸਦਾ ਇਕਮੁਸ਼ਤ ਭੁਗਤਾਨ ਕੀਤਾ ਜਾ ਸਕਦਾ ਹੈ ਜਾਂ ਇਸਨੂੰ IRA ਵਿੱਚ ਪਾਇਆ ਜਾ ਸਕਦਾ ਹੈ।
ਇਹ ਉਡੀਕ ਅਵਧੀ ਇਸ ਲਈ ਰੱਖੀ ਗਈ ਹੈ ਕਿਉਂਕਿ ਬਹੁਤ ਸਾਰੇ ਦੇਖਭਾਲਕਰਤਾ 24 ਮਹੀਨਿਆਂ ਦੇ ਅੰਦਰ ਕੰਮ 'ਤੇ ਵਾਪਸ ਆ ਜਾਂਦੇ ਹਨ। ਇਸ ਸਮੇਂ ਦੌਰਾਨ, ਤੁਹਾਡੇ ਖਾਤੇ ਦਾ ਪੈਸਾ ਨਿਵੇਸ਼ ਵਿੱਚ ਰਹਿੰਦਾ ਹੈ ਅਤੇ ਇਸਨੂੰ ਵਧਣ ਦਾ ਮੌਕਾ ਮਿਲਦਾ ਹੈ।
65 ਸਾਲ ਦੀ ਉਮਰ ਵਿੱਚ ਮੈਂ ਸਾਰੀ ਰਕਮ ਇੱਕੋ ਵਾਰ ਕਿਉਂ ਨਹੀਂ ਕਢਵਾ ਸਕਦਾ/ਸਕਦੀ?
SRP ਨੂੰ ਰਿਟਾਇਰਮੈਂਟ ਵਿੱਚ ਸੋਸ਼ਲ ਸਿਕਿਓਰਿਟੀ ਜਾਂ IRA ਵਰਗੇ ਹੋਰ ਸਾਧਨਾਂ ਦੇ ਨਾਲ ਹਰ ਮਹੀਨੇ ਆਮਦਨ ਪ੍ਰਦਾਨ ਕਰਨ ਲਈ ਡਿਜ਼ਾਈਨ ਕੀਤਾ ਗਿਆ ਹੈ। 65 ਸਾਲ ਦੀ ਉਮਰ ਤੋਂ ਬਾਅਦ ਵੀ ਕੰਮ ਕਰਨ ਵਾਲੇ ਦੇਖਭਾਲਕਰਤਾ ਮਹੀਨੇਵਾਰ ਭੁਗਤਾਨ ਲੈਂਦੇ ਰਹਿ ਸਕਦੇ ਹਨ, ਅਤੇ ਐਂਪਲੌਇਅਰ ਵੱਲੋਂ ਜੋੜਿਆ ਗਿਆ ਪੈਸਾ ਉਹਨਾਂ ਦੇ ਖਾਤੇ ਦੇ ਬਕਾਏ ਨੂੰ ਵਧਾਉਂਦਾ ਰਹਿੰਦਾ ਹੈ।
ਮੈਂ Milliman ਨਾਲ ਆਪਣੀ ਸੰਪਰਕ ਜਾਣਕਾਰੀ ਕਿਵੇਂ ਅੱਪਡੇਟ ਕਰਾਂ?
Milliman ਨੂੰ ਤੁਹਾਡੀ ਸੰਪਰਕ ਜਾਣਕਾਰੀ ਤੁਹਾਡੇ ਐਂਪਲੌਇਅਰ ਤੋਂ ਮਿਲਦੀ ਹੈ। ਜੇ ਇਹ ਗਲਤ ਹੈ, ਤਾਂ ਇਸਨੂੰ ਸਿੱਧਾ ਆਪਣੇ ਐਂਪਲੌਇਅਰ ਤੋਂ ਅੱਪਡੇਟ ਕਰਵਾਓ। ਬਦਲਾਅ ਹੋਣ ਵਿੱਚ 45 ਦਿਨ ਤੱਕ ਦਾ ਸਮਾਂ ਲੱਗ ਸਕਦਾ ਹੈ।
ਜੇ ਤੁਸੀਂ ਹੁਣ ਦੇਖਭਾਲਕਰਤਾ ਨਹੀਂ ਰਹੇ, ਤਾਂ ਪਤਾ ਬਦਲਣ ਵਾਲਾ ਫ਼ਾਰਮ ਲੈਣ ਲਈ Milliman ਨਾਲ
ਸੋਮਵਾਰ ਤੋਂ ਸ਼ੁੱਕਰਵਾਰ ਸਵੇਰੇ 5 ਵਜੇ ਤੋਂ ਸ਼ਾਮ 5 ਵਜੇ ਤੱਕ 1-800-726-8303 'ਤੇ ਸੰਪਰਕ ਕਰੋ। ਅਨੁਵਾਦਕ ਉਪਲਬਧ ਹੁੰਦੇ ਹਨ।
ਜੇ ਮੇਰੀ ਨੌਕਰੀ ਖਤਮ ਹੋਣ ਦੀ ਮਿਤੀ ਗਲਤ ਹੋਵੇ ਜਾਂ ਦਰਜ ਨਾ ਕੀਤੀ ਗਈ ਹੋਵੇ ਤਾਂ ਕੀ ਹੋਵੇਗਾ?
ਤੁਹਾਡੀ ਨੌਕਰੀ ਖਤਮ ਹੋਣ ਦੀ ਮਿਤੀ ਦਾ ਹਿਸਾਬ ਤੁਹਾਡੇ ਆਖਰੀ ਯੋਗਦਾਨ ਦੀ ਮਿਤੀ ਤੋਂ ਲਗਾਇਆ ਜਾਂਦਾ ਹੈ। ਛੋਟੇ ਖਾਤਿਆਂ ਨੂੰ ਤੁਹਾਡੇ ਅਖੀਰਲੇ ਯੋਗਦਾਨ ਦੇ 24 ਮਹੀਨੇ ਪੂਰੇ ਹੋ ਜਾਣ ਤੋਂ ਪਹਿਲਾਂ ਬੰਦ ਨਹੀਂ ਕੀਤਾ ਜਾ ਸਕਦਾ। ਮਦਦ ਲਈ Summary Plan Description (SPD) (ਸੰਖੇਪ ਯੋਜਨਾ ਵੇਰਵਾ) ਦੇਖੋ ਜਾਂ Milliman ਨਾਲ ਸੰਪਰਕ ਕਰੋ।
ਮੈਂ ਰਿਟਾਇਰਮੈਂਟ ਲਈ ਹੋਰ ਕਿਸ ਤਰ੍ਹਾਂ ਬਚਤ ਕਰ ਸਕਦਾ/ਸਕਦੀ ਹਾਂ?
SRP ਤੋਂ ਇਲਾਵਾ, ਤੁਸੀਂ ਇਨ੍ਹਾਂ ਤਰੀਕਿਆਂ ਰਾਹੀਂ ਵੀ ਬਚਤ ਕਰ ਸਕਦੇ ਹੋ:
- ਇੱਕ Individual Retirement Account (IRA) (ਵਿਅਕਤੀਗਤ ਰਿਟਾਇਰਮੈਂਟ ਖਾਤਾ)।
- ਜੇ ਤੁਸੀਂ ਯੋਗ ਹੋ ਤਾਂ, ਐਂਪਲੌਇਅਰ ਦੁਆਰਾ ਸਪਾਂਸਰ ਕੀਤੀਆਂ ਹੋਰ ਯੋਜਨਾਵਾਂ।
ਇਨ੍ਹਾਂ FAQ ਦੀਆਂ ਮੁੱਖ ਗੱਲਾਂ ਅਤੇ ਯੋਜਨਾ ਸਬੰਧੀ ਦਸਤਾਵੇਜ਼ਾਂ ਵਿਚਾਲੇ ਕਿਸੇ ਵੀ ਟਕਰਾਅ ਦੀ ਸਥਿਤੀ ਵਿੱਚ, ਦਸਤਾਵੇਜ਼ਾਂ ਨੂੰ ਹੀ ਸਹੀ ਮੰਨਿਆ ਜਾਵੇਗਾ।
ਰਿਟਾਇਰਮੈਂਟ ਬੈਨਿਫ਼ਿਟਸ ਸਪੋਰਟ
ਜੇ ਤੁਹਾਡੇ ਕੋਈ ਸਵਾਲ ਹਨ, ਤਾਂ ਸਪੋਰਟ (support) ਪੇਜ 'ਤੇ ਜਾਓ ਜਾਂ ਫੇਰ Milliman Secure Retirement ਦੇ ਕਿਸੇ ਪ੍ਰਤੀਨਿਧੀ ਨੂੰ 1-800-726-8303 'ਤੇ ਕਾਲ ਕਰੋ। ਤੁਹਾਡੀ ਭਾਸ਼ਾ ਵਿੱਚ ਮਦਦ ਉਪਲਬਧ ਹੈ।
ਰਿਟਾਇਰਮੈਂਟ ਲਈ ਯੋਜਨਾ ਬਣਾਉਣਾ
ਤੁਹਾਡੇ SRP ਖਾਤੇ ਤੋਂ ਇਲਾਵਾ, ਇਹ ਵੀ ਸਿੱਖੋ ਕਿ ਆਮਦਨ ਦੇ ਦੂਜੇ ਵਸੀਲੇ ਜਿਵੇਂ IRAs, ਸੋਸ਼ਲ ਸਿਕਿਓਰਟੀ ਅਤੇ ਵਿਅਕਤੀਗਤ ਬੱਚਤਾਂ ਕਿਸ ਤਰ੍ਹਾਂ ਇਹ ਪੱਕਾ ਕਰ ਸਕਦੀਆਂ ਹਨ ਕਿ ਤੁਸੀਂ ਅਰਾਮ ਨਾਲ ਰਿਟਾਇਰ ਹੋ ਸਕੋ।
ਰਿਟਾਇਰਮੈਂਟ ਸਬੰਧੀ ਜਾਣਨਯੋਗ ਆਮ ਸ਼ਬਦ
ਰਿਟਾਇਰਮੈਂਟ ਸਬੰਧੀ ਆਮ ਸ਼ਬਦਾਂ ਅਤੇ ਉਹਨਾਂ ਦੀ ਪਰਿਭਾਸ਼ਾ ਬਾਰੇ ਜਾਣੋ, ਜਿਹਨਾਂ ਬਾਰੇ ਤੁਹਾਨੂੰ ਆਪਣੇ ਵਿੱਤੀ ਭਵਿੱਖ ਬਾਰੇ ਫ਼ੈਸਲੇ ਲੈਂਦੇ ਹੋਏ ਪਤਾ ਹੋਣਾ ਚਾਹੀਦਾ ਹੈ।
ਦੇਖਭਾਲਕਰਤਾ ਲਈ ਪੈਸੇ ਦੇ ਪ੍ਰਬੰਧਨ ਲਈ ਸੁਝਾਅ
ਟੈਕਸ ਵਿੱਚ ਮਦਦ, ਰਿਟਾਇਰਮੈਂਟ ਦੀ ਯੋਜਨਾ ਬਣਾਉਣ, ਰਿਟਾਇਰਮੈਂਟ ਕੈਲਕੁਲੇਟਰ, ਬਜਟ ਬਣਾਉਣ ਅਤੇ ਅਜਿਹੇ ਹੋਰ ਵਿਸ਼ਿਆਂ ਲਈ ਸਰੋਤ ਲੱਭੋ।
ਦੇਖਭਾਲਕਰਤਾ Secure Retirement Plan (ਸੁਰੱਖਿਅਤ ਰਿਟਾਇਰਮੈਂਟ ਯੋਜਨਾ) ਤੋਂ ਕਿਵੇਂ ਫ਼ਾਇਦਾ ਚੁੱਕ ਸਕਦੇ ਹਨ
Compounding Interest: Helpful or Harmful?
