គន្លឹះសម្រាប់ថ្ងៃជោគជ័យដំបូងនៅកន្លែងធ្វើការ 

មានអារម្មណ៍ថាបានត្រៀមខ្លួន និងមានទំនុកចិត្ត នៅថ្ងៃដំបូងរបស់អ្នក 

មិនថាអ្នកជួបអ្នកជំងឺរបស់អ្នកជាលើកដំបូង ឬចាប់ផ្តើមផ្តល់ការថែទាំដល់អ្នកដែលអ្នកស្គាល់រួចហើយនោះទេ គន្លឹះទាំងនេះអាចជួយបាន។

ស្លៀកពាក់ប្រកបដោយវិជ្ជាជីវៈ។
ពិចារណាពាក់ខោអាវឈុតអ្នកថែទាំ ការតុបតែងមុខតិចតួច និងជៀសវាងប្រើក្លិនទឹកអប់ខ្លាំង ករណីដែលអ្នកជំងឺរបស់អ្នកមានប្រតិកម្មនឹងក្លិន។

ប្រមូលសម្ភារៈរបស់អ្នកដូចជា៖

• ទ្រនាប់ជើងបិទម្រាមជើងដែលមិនរអិល។
• គម្រោងថែទាំ / សន្លឹកកិច្ចការ។
• ដបទឹក។
• អាហារសម្រន់។
• កាបូបការងារ។

មើលគម្រោងថែទាំអ្នកជំងឺរបស់អ្នកជាមួយគ្នា
នេះជាគម្រោងថែទាំជាក់លាក់សម្រាប់អ្នកជំងឺរបស់អ្នកដែលត្រូវបានផ្តល់ឱ្យអ្នកដោយនិយោជករបស់អ្នក។ ត្រូវប្រាកដថាអ្នកទាំងពីរយល់ពីតួនាទីរបស់អ្នក។

ចែករំលែកព័ត៌មានបន្តិចបន្តួចអំពីខ្លួនអ្នក និងស្គាល់អ្នកជំងឺរបស់អ្នកដោយសួរសំណួរដូចជា៖

• តើអ្នករំពឹងអ្វី​ខ្លះពីខ្ញុំ?
• តើអ្នកមានការ​រឹត​បន្តឹងណាខ្លះដែលខ្ញុំគួរដឹងឬអត់?
• តើអាហារ/កម្មវិធី/សកម្មភាពអ្វីខ្លះដែលអ្នកចូលចិត្ត?

ស្វែងយល់អំពីរបៀបដាក់បញ្ជូនចំនួនម៉ោងធ្វើការរបស់អ្នកឱ្យបានត្រឹមត្រូវ និងទាន់ពេលវេលា ដើម្បីឱ្យអ្នកអាចប្រាកដថាអ្នកទទួលបានប្រាក់ឈ្នួលទាន់ពេលវេលា។

ហៅទូរសព្ទទៅ Peer Mentor (អ្នកណែនាំ)។
Peer Mentor (អ្នកណែនាំ) មានបទពិសោធច្រើនឆ្នាំក្នុងការថែទាំ ក៏ដូចជាការបង្វឹកអ្នកថែទាំផ្សេងទៀត ហើយអាចជួយឆ្លើយសំណួរ ឬកង្វល់ដែលអ្នកមាន។