- Health & Wellness
វិធីងាយៗទាំង 5 ក្នុងការគ្រប់គ្រងសម្ពាធឈាមរបស់អ្នក
អ្នកថែទាំត្រូវបានចាត់តាំងជាពិសេសក្នុងការជួយអ្នកដទៃ ប៉ុន្តែការថែទាំសុខភាពរបស់អ្នកគឺមានសារៈសំខាន់ដូចគ្នាដែរ។ របៀបរស់នៅដែលល្អដល់សុខភាពអាចជួយអ្នកក្នុងការគ្រប់គ្រងសម្ពាធឈាមខ្ពស់ ធ្វើឱ្យប្រសើរឡើងនូវប្រព័ន្ធភាពស៊ាំរបស់អ្នក បង្កើនកម្រិតថាមពល និងបន្ថយភាពតានតឹង។ នេះគឺជាវិធីងាយៗចំនួន 5 ដើម្បីរក្សាបានសុខភាពល្អ និងគ្រប់គ្រងសម្ពាធឈាមរបស់អ្នក។
1. ចាប់ផ្តើមពីទម្លាប់តូច
ការផ្លាស់ប្តូររបៀបរស់នៅអាចជារឿងមិនងាយស្រួលនោះទេ ដូច្នេះចូរចាប់ផ្តើមពីទម្លាប់តូចសិន។ ព្យាយាមកំណត់គោលដៅសាមញ្ញ ដូចជាការបន្ថែមផ្លែឈើមួយមុខទៅក្នុងអាហាររបស់អ្នកជារៀងរាល់ថ្ងៃ។ ធ្វើការផ្លាស់ប្តូរតិចតួចទៅលើទម្លាប់របស់អ្នក ដូចជាការដើររយៈពេលខ្លី ឬជ្រើសរើសអាហារសម្រន់ដែលល្អដល់សុខភាពដូចជាគ្រាប់សណ្តែកជាដើម។ ការអនុវត្តតាមជំហានតូចៗគឺមានភាពងាយស្រួលជាង ហើយអាចនាំទៅរកភាពប្រសើរឡើងបន្តិចម្តងៗទៅតាមពេលវេលា។
2. បរិភោគឱ្យបានល្អ
របបអាហារដែលមានជីវជាតិផ្តល់អត្ថប្រយោជន៍ជាច្រើនរួមទាំងការកាត់បន្ថយសម្ពាធឈាម។ ព្យាយាមបញ្ចូលផ្លែឈើ បន្លែ គ្រាប់ធញ្ញជាតិ និងប្រូតេអ៊ីនគ្មានខ្លាញ់ជាច្រើនប្រភេទក្នុងរបបអាហាររបស់អ្នក។ អ្នកអាចនឹងយល់ថាវាមានប្រយោជន៍ដោយរៀបចំអាហារដែលងាយស្រួល និងផ្តល់សុខភាពល្អជាមុន។
ផែនការ MyPlate គឺជាគោលការណ៍ណែនាំរបបអាហារឥតគិតថ្លៃដែលត្រូវបានបង្កើតឡើងដើម្បីជួយអ្នកជំងឺឱ្យជ្រើសរើសអាហារដែលកាន់តែល្អដល់សុខភាព។ វាផ្តល់នូវឧបករណ៍ រូបមន្ត និងគន្លឹះដើម្បីជួយអ្នកឱ្យស្ថិតក្នុងគន្លងគោលដៅ និងបង្កើតរបបអាហារដែលមានតុល្យភាព។
ប្រើកម្មវិធី Start Simple with MyPlate ដោយឥតគិតថ្លៃដើម្បីជួយអ្នកធ្វើការផ្លាស់ប្តូរជាវិជ្ជមានក្នុងការបរិភោគរបស់អ្នក។ កម្មវិធីនេះផ្តល់ភាពងាយស្រួលក្នុងការជ្រើសរើសគោលដៅអាហារប្រចាំថ្ងៃដ៏សាមញ្ញ និងតាមដានវឌ្ឍនភាពរបស់អ្នក។
ចាប់ផ្តើមកម្រងសំណួរខាងក្រោម ដើម្បីទទួលបានផែនការបរិភោគរបស់អ្នក។
3. រក្សាភាពសកម្ម
លំហាត់ប្រាណគឺជាឧបករណ៍ដ៏មានឥទ្ធិពលក្នុងការគ្រប់គ្រងសម្ពាធឈាម និងធ្វើឱ្យប្រសើរឡើងនូវសុខុមាលភាពទូទៅ។ សកម្មភាពសាមញ្ញៗដូចជា ការលាតសន្ធឹងខ្លួនប្រាណ អំឡុងពេលសម្រាក ការដើរចម្ងាយខ្លីៗ ឬចូលរួមក្នុងការហាត់ប្រាណងាយៗនៅផ្ទះ គឺជាវិធីក្នុងការបញ្ចូលសកម្មភាពរាងកាយក្នុងថ្ងៃដ៏មមាញឹករបស់អ្នក។ ប្រសិនបើអ្នកមានការធានារ៉ាប់រងផ្នែកថែទាំសុខភាពតាមរយៈ SEIU 775 Benefits Group នោះ អ្នកមានសិទ្ធិចូលប្រើការបង្វឹកសុខភាព ការព្យាបាលដោយចលនា និងការបញ្ចុះតម្លៃសម្រាប់កាយសម្បទា ដើម្បីជួយអ្នករក្សាភាពសកម្ម។ ស្វែងយល់បន្ថែមអំពីអត្ថប្រយោជន៍កាយសម្បទារបស់អ្នក។
4. តាមដានវឌ្ឍនភាពរបស់អ្នក
ការតាមដានវឌ្ឍនភាពរបស់អ្នកជួយបន្តជំរុញទឹកចិត្តរបស់អ្នក និងអាចបង្ហាញអ្នកពីសមិទ្ធផលដែលសម្រេចបានកន្លងមក។ ប្រើទិនានុប្បវត្តិ កម្មវិធី ឬកំណត់ចំណាំសាមញ្ញ ដើម្បីតាមដានទម្លាប់ប្រចាំថ្ងៃ និងការធ្វើឱ្យសុខភាពរបស់អ្នកប្រសើរឡើង។ កត់សម្គាល់ និងសាទរចំពោះសមិទ្ធផលតូចៗ ព្រោះជោគជ័យទាំងនេះអាចជាព្រឹត្តិការណ៍ដ៏សំខាន់នៅក្នុងដំណើរដើម្បីបានសុខភាពល្អរបស់អ្នក។
5. អត់ធ្មត់ និងថែទាំខ្លួនឯង
ក្នុងនាមជាអ្នកថែទាំ វាងាយនឹងធ្វើបាបខ្លួនឯងនៅពេលដែលអ្នកព្យាយាមរ៉ាប់រងទំនួលខុសត្រូវជាច្រើន។ ចងចាំថាត្រូវអត់ធ្មត់នឹងខ្លួនអ្នក។ ត្រូវយល់ថាការផ្លាស់ប្តូរបន្តិចម្តងៗ និងការជួបប្រទះឧបសគ្គគឺជាផ្នែកមួយនៃដំណើរការនេះ។ ផ្តោតលើវឌ្ឍនភាពដែលអ្នកកំពុងធ្វើ ហើយបន្តផ្តល់អាទិភាពដល់សុខភាពរបស់អ្នក។
ការរក្សារបៀបរស់នៅដែលផ្តល់សុខភាពល្អមិនត្រឹមតែជាវិធីទីមួយក្នុងការគ្រប់គ្រងស្ថានភាពជំងឺរ៉ាំរ៉ៃដូចជាជំងឺលើសឈាមប៉ុណ្ណោះទេ ប៉ុន្តែវាក៏ជួយអ្នកក្នុងការផ្តល់នូវការថែទាំកាន់តែប្រសើរឡើងសម្រាប់អ្នកដទៃផងដែរ។ ដើម្បីសុខភាពកាន់តែល្អ កាន់តែមានសុភមង្គលសម្រាប់អ្នក!
ការតាមដានវឌ្ឍនភាពរបស់អ្នកជួយបន្តជំរុញទឹកចិត្តរបស់អ្នក និងអាចបង្ហាញអ្នកពីសមិទ្ធផលដែលសម្រេចបានកន្លងមក។ ប្រើទិនានុប្បវត្តិ កម្មវិធី ឬកំណត់ចំណាំសាមញ្ញ ដើម្បីតាមដានទម្លាប់ប្រចាំថ្ងៃ និងការធ្វើឱ្យសុខភាពរបស់អ្នកប្រសើរឡើង។ កត់សម្គាល់ និងសាទរចំពោះសមិទ្ធផលតូចៗ ព្រោះជោគជ័យទាំងនេះអាចជាព្រឹត្តិការណ៍ដ៏សំខាន់នៅក្នុងដំណើរដើម្បីបានសុខភាពល្អរបស់អ្នក។
ធនធានឥតគិតថ្លៃដើម្បីគាំទ្ររបៀបរស់នៅដែលល្អដល់សុខភាព។
ការបរិភោគដែលល្អដល់សុខភាព
ទិញទំនិញសាមញ្ញតាមរយៈ MyPlate
ស្វែងរកវិធីសន្សំសំចៃនៅក្នុងតំបន់របស់អ្នក និងស្វែងរកវិធីថ្មីក្នុងការរៀបចំអាហារដែលជួយសន្សំសំចៃថវិកា។
គន្លឹះសម្រាប់ការបរិភោគអាហារដើម្បីបានទម្ងន់ដែលល្អដល់សុខភាព
ទទួលបានគន្លឹះសម្រាប់ការបរិភោគអាហារសុខភាពដែលគាំទ្រទម្ងន់ដែលល្អដល់សុខភាព។
CDC – គន្លឹះបរិភោគដែលល្អដល់សុខភាព
ទទួលបានគន្លឹះសម្រាប់កែលម្អរបបអាហាររបស់អ្នកដោយការបង្កើនសារធាតុចិញ្ចឹមសំខាន់ៗ និងកាត់បន្ថយគ្រឿងផ្សំដែលមិនល្អសម្រាប់សុខភាព។
ធ្វើលំហាត់ប្រាណ និងរក្សាភាពសកម្ម
CDC – ការវាស់ស្ទង់អាំងតង់ស៊ីតេសកម្មភាពរាងកាយ
រៀនពីរបៀបវាស់ស្ទង់អាំងតង់ស៊ីតេនៃសកម្មភាពរាងកាយដោយប្រើវិធីសាស្ត្រដូចជា តេស្តការនិយាយ ចង្វាក់បេះដូង និងកម្រិតនៃការប្រឹងប្រែងតាមអារម្មណ៍។
CDC – ធនធានជំនួយអាហារ
ស្វែងរកបញ្ជីធនធានមានប្រយោជន៍ដែលផ្តល់ជំនួយ និងការទទួលបានអាហារដែលល្អដល់សុខភាព។
