វិធី 3 យ៉ាងដែលគម្រោងសុខភាពរបស់អ្នកអាចជួយគ្រប់គ្រងជំងឺទឹកនោមផ្អែម

ខែវិច្ឆិកា គឺជាខែនៃការយល់ដឹងអំពីជំងឺទឹកនោមផ្អែមជាតិ និងជាពេលវេលាដ៏ល្អមួយក្នុងការទៅពិនិត្យសុខភាព ដើម្បីវាយតម្លៃហានិភ័យរបស់អ្នកចំពោះជំងឺទឹកនោមផ្អែម ឬជិតមានជំងឺទឹកនោមផ្អែម។

ជំងឺទឹកនោមផ្អែមគឺជាស្ថានភាពសុខភាពរ៉ាំរ៉ៃទូទៅបំផុតមួយនៅសហរដ្ឋអាមេរិក។ ស្ថានភាពសុខភាពរ៉ាំរ៉ៃគឺជាលក្ខខណ្ឌសុខភាពយូរអង្វែងដែលប៉ះពាល់ដល់គុណភាពជីវិតរបស់អ្នក ហើយជារឿយៗត្រូវការការព្យាបាលពិសេស។ យោងតាម មជ្ឈមណ្ឌលគ្រប់គ្រងជំងឺ (Center for Disease Control) (CDC) មនុស្សជាង 37 លាននាក់នៅសហរដ្ឋអាមេរិកមានជំងឺទឹកនោមផ្អែម 96 លាននាក់ប្រឈមនឹងការជិតមានជំងឺទឹកនោមផ្អែម និង 1 ក្នុងចំណោម 4 នាក់មានជំងឺទឹកនោមផ្អែម ប៉ុន្តែមិនដឹងខ្លួនថាពួកគេមានជំងឺនេះទេ។

មិន​ថា​អ្នក​កំពុងមាន​ជំងឺ​ទឹក​នោម​ផ្អែម ឬ​មាន​ការ​ព្រួយ​បារម្ភ​អំពី​សុខភាព​ដែលមិនទាន់បានធ្វើរោគវិនិច្ឆ័យនោះទេ អ្នក​មិន​នៅ​ឯកោ​ទេ! ការស្វែងរកជំនួយគឺជារឿងសំខាន់ ហើយអ្នកមិនចាំបាច់រង់ចាំមុនពេលស្វែងរកជំនួយគាំទ្រ និងការណែនាំនោះទេ។ ទោះបីជាជំងឺទឹកនោមផ្អែមគឺជាស្ថានភាពជំងឺដ៏ស្មុគស្មាញមួយក៏ដោយ ប្រសិនបើអ្នកជាអ្នកថែទាំទទួលបានការរ៉ាប់រងរបស់ SEIU 775 Benefits Group នោះអ្នកមានសិទ្ធិប្រើសេវាក្រុមថែទាំជំនាញដែលអាចជួយអ្នកក្នុងការគ្រប់គ្រងជំងឺនេះបាន។ លើសពីនេះ គម្រោងសុខភាពរបស់អ្នកផ្តល់នូវដំណោះស្រាយដើម្បីដោះស្រាយស្ថានភាព និងកែសម្រួលរបៀបរស់នៅរបស់អ្នក។ មានវិធី 3 យ៉ាង ដើម្បីចាប់ផ្តើមគ្រប់គ្រងសុខភាព និងសុខុមាលភាពរបស់អ្នក ដោយប្រើគម្រោងសុខភាពរបស់អ្នក៖

1. ជួបវេជ្ជបណ្ឌិតរបស់អ្នកដោយឥតគិតថ្លៃ។

វេជ្ជបណ្ឌិត និងទន្តបណ្ឌិតថែទាំបឋមផ្តល់ការថែទាំបង្ការ ដូចជាការពិនិត្យ និងតាមដានសុខភាពជាប្រចាំ។ ពួកគេក៏អាចបញ្ជូនអ្នកទៅកាន់អ្នកឯកទេស និងកម្មវិធីសម្រាប់ការថែទាំតាមលក្ខខណ្ឌ ដូចជាជំងឺទឹកនោមផ្អែមជាដើម។

2. រស់នៅប្រកបដោយសុខភាពល្អជាមួយជំងឺទឹកនោមផ្អែម។ 

ផ្នែកសំខាន់មួយនៃការគ្រប់គ្រងជំងឺទឹកនោមផ្អែមគឺការជ្រើសរើសរបៀបរស់នៅដែលល្អសម្រាប់សុខភាព។ មានធនធានអប់រំជាច្រើនដែលមានតាមរយៈគម្រោងសុខភាពរបស់អ្នក ដើម្បីជួយអ្នកឱ្យរស់នៅប្រកបដោយសុខភាពល្អ និងមានអារម្មណ៍ថាស្ថិតក្រោមការគ្រប់គ្រងកាន់តែប្រសើរ។ សូមមើលធនធានអំពីជំងឺទឹកនោមផ្អែមដែលមានក្នុងគម្រោងរបស់អ្នក៖

• KPWA និង KPNW៖ ជំងឺទឹកនោមផ្អែម | Kaiser Permanente
• Aetna៖ រស់នៅប្រកបដោយសុខភាពល្អជាមួយជំងឺទឹកនោមផ្អែម៖ ធនធាន និងជំនួយគាំទ្រ | Aetna

3. ភ្ជាប់ទំនាក់ទំនងជាមួយគ្រូបង្វឹកសុខភាព ដើម្បីជួយផ្លាស់ប្តូររបៀបរស់នៅ។ 

ការបណ្តុះបណ្តាលសុខភាពត្រូវបានផ្តល់ជូនអ្នកថែទាំទាំងអស់ដែលបានចុះឈ្មោះក្នុងការធានារ៉ាប់រងលើការថែទាំសុខភាព ដោយមិនគិតពីគម្រោងសុខភាពនោះទេ។ គ្រូបង្វឹកសុខភាពអាចជួយអ្នកកំណត់គោលដៅ និងប្រកាន់ខ្ជាប់ទៅតាមគោលដៅទាំងនោះ បរិភោគអាហារដែលល្អសម្រាប់សុខភាព កាត់បន្ថយភាពតានតឹង គ្រប់គ្រងទម្ងន់របស់អ្នក និងអ្វីៗជាច្រើនទៀត។ ស្វែងយល់បន្ថែមអំពីការបណ្តុះបណ្តាលសុខភាព។

សូមចាំថា អត្ថប្រយោជន៍ទាំងនេះគឺបន្ថែមពីលើអត្ថប្រយោជន៍នៃជំនួយគាំទ្រអ្នកឯកទេស និងអត្ថប្រយោជន៍សុខភាពផ្លូវចិត្តដែលមានសម្រាប់អ្នកថែទាំទាំងក្នុងគម្រោងសុខភាព Kaiser Permanente និង Aetna។ ប្រសិនបើអ្នកមិនប្រាកដថាគម្រោងសុខភាពណាមួយដែលអ្នកមាន ឬចង់ដឹងពីរបៀបចុះឈ្មោះក្នុងការធានារ៉ាប់រង សូមស្វែងយល់នៅទីនេះ។